Хууль зүйн сайд Д.Дорлигжав өөрийгөө АТГ-т шалгуулах хүсэлт өгсөн билээ.

Учир нь Хууль зүйн сайд асан Х.Тэмүүжин өөрийн твиттер хуудаснаа "Хуулийн нэр, хуулийн байгууллагын сүр хүчээр баялаг бүтээгчдийг дээрэмдэх авлигын хэмжээ" гэсэн баримт бүхий мэдээлэл цацсан. Тухайн үед тус гүйлгээг Алтан дорнод Монгол компаниас хийсэн гэдэг мэдээллийг эх сурвалжууд өгсөн. Харин хаашаа, хэнд хийсэн гүйлгээ гэдгийг тодруулалгүй орхисон билээ. Х.Тэмүүжин гишүүн ч оньсого таалгачихаад таг дуугүй болчихсон. Тэгвэл тэнд үзүүлсэн гүйлгээ нь Д.Дорлигжавтай ямар ч холбоогүй тул тэрээр нэр төрөө сэргээлгэхийг хүсч байгаагаа илэрхийлсэн байдаг. Тиймээс дөрвөн сая ам.долларын асуудлыг шалган, эцэслэж өгөхийг хүссэн өргөдлөө АТГ-т өгсөн билээ.

Харин уг өргөдлийг Авлигатай тэмцэх газар шалгаж үзээд авилга, албан тушаалын гэмт хэргийн шинж чанартай үйлдэл байхгүй байна гэсэн дүгнэлт гаргасан байна. Тиймээс өргөдлийг хуулийн дагуу цагдаагийн байгууллагад шилжүүлжээ.