Цаг үеийн асуудалтай холбогдуулан УИХ дахь МАН-ын бүлгийн гишүүдээс зарим асуултад хариулт авлаа.

-Төсвийн тогтвортой байдлын тухай хуулийг УИХ-аар хэлэлцээд унагасан. Гэтэл уг хуулийг шинэчлээд 70 хувь байсныг нь өөрчлөөд 60 болгоод дахиад оруулаад ирлээ. Үүнийг дэмжиж байгаа юу?

-Бид засагт хамтрахдаа өрийн хэмжээг нэмэгдүүлэхгүй гэсэн. Харамсалтай нь ЗГ өрийн хэмжээг 70 хувь болгож нэмэхдүүлэх санал оруулж ирсэн. Бид түүнийг нь дэмжихгүй унагасан. Гэтэл дахиад 60 болгох санал гаргалаа. Энэ нь бодит байдал 40 хувь байх ёстой хуулийг зөрчөөд ард түмнээсээ нууж 58.3 хувьд хүргэсэн байна. Тийм болохоор нэгэнт хүрсэн төвшинг хүлээн зөвшөөрөхөөс аргагүй болж байна.

-МАН-ын гишүүд унааны зардлаасаа татгалзах уриалгаас гадна бодитой ямар санаачлага гаргах гэж байна вэ?

-УИХ-ын гишүүдийн унааны зардал гэж бий. Үүнд нь сард тойрогтоо ажиллах, дотуур унааны зардал гэж нэг сард барагцаагаар 500 мянган төгрөг авдаг. Үүнээс МАН-ын бүх гишүүд татгалзана. Өөрөөр хэлбэл нэг гишүүн жилд зургаан сая төгрөг авдаг. 26 гишүүний унаа зардал 150 сая болно. Энэ мэтээр бид хямралыг давахын тулд өөрсдийнхөө бүсийг чангална.

-Энэхүү гаргаж буй санаачлагаа бүрэн эрхийнхээ хүрээнд хэрэгжүүлэх юм уу?


-Өрийн хэмжээг 58.3 хувь байгаа гэдэг нь бодитой тоо мөн үү. Их олон тоо яригдаж байна.?

-УИХ-ын гишүүн Д.Дэмбэрэл: Өрийн хэмжээн дээр хүн болгон эргэлзэхээр байна. Эхлээд 40 байна, дараа нь 40 хувиа давчихлаа. Дараа нь 53 хувь болсон. Одоо 58.3 хувь байна гэж. Унтаад босоод ирэхэд л өсгөж хэлээд байхаар эргэлзэхээр байгаа биз дээ. Тиймээс одоогийн авсан өрөө дараа нь нэхэхээр нь үйлдвэрлэгчдийн тавьсан шаардлагын дагуу шилжүүлж өгье. Тэгээд өрийн эцсийн хэмжээ ямар байгааг тооцож тогтоох хэрэгтэй.
-Татварыг нэмэхгүй гэсэн байр суурийг МАН-ын бүлэг илэрхийллээ. Татвар нэмснээр хэр хэмжээний дарамт ирэх бол. Энэ талаар ер нь тооцоо судалгаа хийж үзсэн үү?

-Төсвийн тодотголд татвар нэмэх тухай санал тусгахдаа иргэдийнхээ орлогыг нь нарийн тооцоогүй. Татвар нэмэгдүүлснээрээ ямар зүйлийг хийх вэ гэдэг тооцоогоо оруулж ирээгүй. Хямрал хүндрэлийг татвар нэмж биш ард иргэд, бизнес эрхлэгчдийгээ дэмжиж байж даван гардаг юм.

-Унааны зардлаас татгалзахаас гадна өөр урсгал зардлуудаасаа татгалзах уу. Жишээлбэл УИХ-ын гишүүд жилд  90 сая төгрөг авдаг гэсэн яриа байдаг.

-90 сая төгрөг авдаг зүйл байхгүй.  Ер нь УИХ-ын гишүүддээ тодорхой үйл ажиллагаа явуулахад, улсын бодлогыг ард иргэдэд хүргэхэд, шийдвэрийг хэрэгжүүлэхэд, хууль боловсруулахад гэх мэт зүйлүүд дээр тодорхой хэмжээний зардал улсын төсөвт суусан байдаг. Харин манай намынхан үүнийхээ унааны зардлыг нь хасах санаачлагыг гаргалаа. Хямралыг даван гарахын тулд бид өөрсдөөсөө эхлэж бүсээ чангалах нь зүйтэй.