“Дэлхийн Монгол- ногоон нэгдэл”, “Босоо хөх Монгол” ТББ хамтран өнөөдөр Чингисийн талбайд “Ноён уулаа аварцгаая” тайван жагсаалыг зохион байгуулахаар болжээ.

Жагсаалын үеэр иргэдийн дуу хоолойг сонсох индэр ажиллуулах юм байна. Энэ тухай “Дэлхийн Монгол- ногоон нэгдэл” ТББ-ын тэргүүн Х.Бээжин “Бид Ноён уулыг хэвээр нь үлдээтэл тэмцэнэ. Нутгийн удирдлагууд нутаг орноо хамгаалсан иргэддээ албан ёсны, шийдтэй хариу хэлж чаддаггүй, бөөрөнхийлж орхидог гэсэн. Хэрэв “Сентерра гоулд”-ийн талд шийдвэр гарвал уул ус, нутаг орондоо ашиггүй шийдсэн улстерчидтэй хатуу тэмцэнэ. Компанийн үйл ажиллагааг ч газар дээр нь очиж зогсооно. Учир нь Ноён уул бол Хүннүгийн үеийн хаад ноёдын булш бунхнаас гадна чулуун зэвсгийн үеийн олдворууд хадгалаастай гэдгийг эрдэмтэд хэлж байгаа. Тиймээс байгаль орчноо хамгаалагчид бид тэмцэх ёстой” гэв.