УИХ дахь Ардчилсан намын бүлгийг өнөөдөр өглөө Төрийн ордонд хуралдсан юм. Энэ талаарх мэдээллийг УИХ-ын гишүүн, бүлгийн дарга Б.Гарамгайбаатар болон УИХ-ын гишүүн Ш.Түвдэндорж нар өгсөн юм.  АН-ын бүлгээр өнөөдөр "Урт нэртэй" хууль, өрийн удирдлагын тухай хууль, зөвшөөрлийн тухай хууль, согтууруулах тухай хуулийн төслүүдийг  чуулганаар яаралтай хэлэлцүүлж өгөөч гэх хүсэлтийг Ерөнхий сайд илэрхийлсэн байна. Дараагийн хэлэлцсэн нэг чухал зүйл нь намын дотоод асуудлууд буюу боловсон хүчний нөөцийн асуудлааар бүлгийг гишүүд байр сууриа солилцжээ. Шинэ ЗГ байгуулагдсантай холбоотойгоор болосвсон хүчний нөөцийн асуудал алдагдах магадлалтай байгаа учир үүнийг хэлэлцэх нь зүйтэй гэжээ. Энэ талаар тусгайлан ажлын хэсэг гаргаж холбогдох яам болон агентлагуудтай хэлэлцэх гэнэ. Бүлгийн гишүүд ч энэ асуудлыг анхааралдаа авч ажиллах саналыг холбогдох яамдууд болон Ерөнхий сайд, Засгийн газарт хүргүүлэхээр болов.
                         Мөн АН-ын бүлэг дээр шинээр зайлшгүй хийх ёстой тодорхой өөрчлөлтүүд, ялангуяа технологи, үйлдэрлэлүүдтэй холбоотой асуудлуудыг нэн даруй ажлын хэсэг байгуулж шийдвэрлүүлэхээр тогтсон байна. Мөн Оюутолгойтой холбоотой гэрээний үүргийн асуудлаар гишүүд санал бодлоо илэрхийлжээ. Ил тод байдлын тухай хуулийн төсөлтай холбоотой Хууль зүйн сайд Д.Дорилогжав сайдын мэдээллийг сонссон бөгөөд гишүүд өөрсдийн байр суурийг илэрхийлж ажлын хэсэг байгуулж бусад намын бүлэгтэй зөвшилцөж байж шийдэх нь зүйтэй гэсэн шийдэлд хүрлээ. Эцэст нь Тавантолгойн хэлэлцээрийн асуудлаар Монгол Улсын сайд М.Энхсайхан мэдээлэл хийх байсан боловч амжаагүй аж. Гэхдээ холбогдох материалаа гишүүдэд тараагаад өгсөн. Тиймээс ирэх долоо хоногт энэ талаар мэдээлэл хийнэ" гэсэн юм.
Энэ үеэр УИХ дахь АН-ын бүлгийн дарга Б.Гарамгайбаатараас зарим зүйлийг тодрууллаа.

Б.Гарамгайбаатар: Улс төрийн шахаагаар халаа, сэлгээ хийх ёсгүй

-Бензин шатахууны нэмэгдсэн өртөгийг албан татварыг нэмсэн. Энэ нь эргээд шатахуун үйлдвэрлэгчид үнэ ханшаа нэмэхгүй гэх баталгаа бий юу?

-Засгийн газар өнгөрсөн хоёр жилийн турш нефть импортлогч компаниудтай үнэ тогтворжуулах хөтөлбөрийн дагуу тодорхой хэмжээний дэмжлэг үзүүлж ажилсан. Засгийн газар одоо дэлхийн зах зээл дээр нефтийн үнэ буурч байгаатай холбоотойгоор нэмэгдсэн өртөгийн албан татварыг нэмэх боломжтой гэж шатахуун импортлогч компаниудтай тохиорсон. Үүнийхээ дагуу татварыг нь нэмэх асуудлыг хөндөж тавьсан гэдгээ Засгийн газар албан ёсоор тайлбарласан. Тийм учраас энэ асуудал шийдэгдсэн гэж ойлгож байгаа.

-Агентлаг, яам зэрэг газруудад улс төрийн шахаагаар томилгоо хийхгүй байх зүйлийг ярилцлаа гэж байна. Тэгэхээр урд нь тийм зүйл болсон гэсэн үг үү?

-Шулуухан хэлэхэд тийм зүйл  ажиглагдаж байгаа гэсэн үг. Нэг  ёсондоо шинээр томилогдсон сайдууд тодорхой яам дээр халаа, сэлгээний асуудлыг яриад эхэлсэн учраас энэ асуудлыг хэлэлцсэн.

-Өрийн удирдлагын хууль дээр танай бүлэг ямар байр суурьтай байгаа вэ?

-АН-ын зүгээс уг хуулийг гаргах тал дээр идэвхитэй ажиллаж байна. Харамсалтай нь МАН-ынхан нэгдсэн ойлголцоонд хүрээгүй байна гэсэн учраас түр хойшлоод байна. Энэ талаарх байр сууриа албан ёсоор илэрхийлсэн.