МАН-ын шинэчлэлийн хорооноос мэдээлэл хийж Монголын эдийн засгийг элгээр нь мөлхүүлсэн "алуурчид"-ыг нэрлэв. Тус хорооноос эдийн засгийн алуурчдаар Ерөнхий сайд асан Н.Алтанхуяг, Эдийн засгийн хөгжлийн сайд асан Н.Батбаяр, Сангийн сайд асан Ч.Улаан, Монголбанкны ерөнхийлөгч Н.Золжаргал нарыг нэрлэж дээрх хүмүүст хариуцлага хүлээлгэх ёстой гэсэн байр суурийг илэрхийллээ. Ингэхдээ тус хүмүүсийг албан тушаалаас нь буулгаж, хуулийн байгууллагаар шалгуулах ёстой гэсэн юм.