Төрийн албаны зөвлөлөөс авсан шалгалтад хамгийн өндөр оноо авч холбогдох яамдын төрийн нарийн бичгийн даргаа томилогдсон хүмүүсийн товч намтарыг танилцуулж байна.


Аж үйлдвэрийн яам- Төрийн нарийн бичгийн даргад НХХЯ-ны дэд сайд асанД.Нямхүү /АН-ын гишүүн/

Товч намтар: 1966 онд Увс аймгийн Улаангом хотод Даваагийн дөрөв дэхь хүү болон мэндэлжээ. Улаангом хотын 2 дугаар арван жилийн дунд сургуулийг төгссөн. 1989 онд ЗХУ-ын Хмельницкий хотын Хөнгөн үйлдвэрийн технологийн дээд сургууль төгссөн. Инженер мэргэжилтэй. Тэрбээр Ардчилсан Намын гишүүн, 2004 оноос Нийслэлийн иргэдийн хурлын төлөөлөгчөөр ажиллаж байв. 2009 оноос хойш Нийгмийн хамгаалал хөдөлмөрийн дэд сайдын албыг гурван  жил хашжээ. Эхнэр, зургаан хүүхдийн хамтаар амьдардаг. Улсын Паралимпийн хорооны ерөнхийлөгчөөр ажилладаг. Тэрбээр АН дотроо “Кроун” фракцийг тэргүүлдэг гэлцдэг.

Зам, тээврийн яам- Төрийн нарийн бичгийн даргад “Монголын цахилгаан холбоо” компанийн гүйцэтгэх захирал асан Ж.Бат-Эрдэнэ /МАН-ын гишүүн/

Товч намтар: “Монголын Цахилгаан холбоо” компанийн гүйцэтгэх захирлаар ажиллаж байсан. Тэрээр Баруун-Урт сумын нэгдүгээр арван жилийг төгссөн. Түүнийг Ж.Батзандан гишүүний ах гэдгийг бүгд мэднэ. Тvvний аав Ц.Жалбалсvрэн Сvхбаатар аймгийн Ерєнхий прокурорын албыг 20 гаруй жилийн турш хашжээ. Б.Бат-Эрдэнэ анх ОХУ-ын Новосибирск хотын Техникийн их сургуулийн Системийн инженерийн ангийг тєгсчээ. Одоо магистр. 1998-2000 онд ХБНГУ-ын Дортмунд хотын мэдээллийн технологийн институтэд Мэдээллийн технологийн зєвлєх, Удирдлагын аргазvйч мэргэжлээр сурсан байдаг.  1996-1998 онд Дэд бутцийн яамны (ДБЯ) Эдийн засаг, Хамтын ажиллагааны газарт мэргэжилтнээр ажилласан байна. Дараа нь тус яамны Мэдээлэл, хяналт шинжилгээ vнэлгээний газарт мэдээллийн технологийн асуудал хариуцсан ахлах мэргэжилтнээс эхлээд Мэдээлэл холбооны бодлого зохицуулалтын газарт ажилласан. Тэрээр эхнэр хоёр хүүхэдтэй.

Уул уурхайн яам- Төрийн нарийн бичгийн даргад Д.Артаг  /АН гишүүн/

Товч намтар: Ардчилсан намын гишүүн, Чингэлтэй дүүргийн Нийгмийн даатгалын хэлтсийн даргаар ажиллаж байсан гэнэ. Улс төрд төдийлөн танигдаагүй түүнийг УИХ-ын гишүүн Г.Баярсайханы хүн гэдэг аж.

Хөдөлмөрийн яам- Төрийн нарийн бичгийн даргад УИХ-ын Тамгын газрын нарийн бичгийн даргаар ажиллаж байсан С.Магнайсүрэн /МАН-ын гишүүн/

Товч намтар: Өмнөх парламентад УИХ-ын Тамгын газрын нарийн бичгийн даргын албан тушаалыг хашиж байсан хүн бол С.Магнайсүрэн. Түүний хувьд энэ албан тушаалд байхдаа олонд танигдаж эхэлсэн гэхэд болно.

Хүнс, хөдөө аж ахуйн яам- Төрийн нарийн бичгийн даргад Н.Ариунболд /АН-ын гишүүн/

Товч намтар: “Тариалан эрхлэгчдийг дэмжих сан”-гийн гүйцэтгэх захирлаар томилогдоод удаагүй байгаа Н.Ариунболд нь Хүнс, хөдөө аж ахуйн яамны Төрийн нарийн бичгийн даргаар томилогдохоор болжээ. Мөн өнгөрсөн сонгуулиар намын нэрийн жагсаалтын 28-д бичигдэж байсан гэх мэдээлэл байна.