УИХ-ын намрын чуулганаар хэлэлцэх асуудлын дараалалд Монгол хэлний тухай хуулийн төслийг хэлэлцүүлэхээр багтаасан. Уг хуулийн төслийг иргэдийн амьдралаас хол, иргэдийг бичиг үсэггүй болгох хууль гэсэн болгоомжлол байна.
      Тэгвэл уг хуулийн төсөлтэй холбоотой МАН-ын дарга, УИХ-ын гишүүн М.Энхболд өөрийн байр сууриа илэрхийлжээ. Тэрээр “Монголчууд крилл үсгийг авч хэрэглснээс хойш 70 гаруй жил крилл үсгээр төр улсын үйл ажиллагааг явуулж ирсэн. Тийм болхоор шууд уйгаржин бичгийг дэмжээд явах нь хүндрэлтэй л дээ. Монгол хэлний тухай хуульд анхаарч ярих зүйлс байна. Өмнө нь хэрэглэж байсан уйгаржин бичгээ тухайн цаг үеийн үйл явдлуудтай хадгалж явах, яах аргагүй бидний өв соёл гэдгээ хамгаалж явах чиглэлд тодорхой зүйлийг хийх ёстой. Харин бүх нийтээрээ төрийн ажил хүртэл уйгаржин бчиг рүү шилжинэ гэдэг нь дэндүү нэг талыг харсан өрөөсгөл зүйл” гэжээ.