Монголын улс төрд шинэ улстөрийн нам, хүчин мэндэллээ. Энэ талаарх мэдээллийг бид өмнө нь хүргэж байсан билээ. Салбар, салбартаа танигдсан 50 гаруй эрхмийг эгнээндээ нэгтгэсэн залуус шинэ нам байгуулахаар эхний ээлжинд клубын дор нэгдсэн  байна. Энэ талаар “Хөгжил хүн” клубын зохицуулагч С.Боргил ингэж ярилаа. Тэрбээр “Мэдлэг боловсролтой, ёс зүйтэй, тухайн салбартаа танигдсан хүмүүс   шийдэл, гарц хайхаар нэгдээд байна. Эдийн засгийн хүндрэлийг даван туулах арга замын талаар ирэх  дөрөвдүгээр сард болох салбарын мэргэжилтнүүдийн чуулган дээр тодорхой ярина. Одоогоор  бид  нэгдээд улстөрийн хүчин байгуулахаа зарлаад явж байна. Өнгөрсөн 25 жилийн турш Монгол Улс хүн төвтэй үзэл баримтлалыг орхигдуулж ирсэн. Үүнийг өөрчилнө.  Бид хэлбэр хөөцөлдөөгүй, юу ярих вэ, ямар гарц байна, хэний амнаас гэдэг зарчим баримтална. Бидэнд  тийм орон зай байгаа” гэлээ.