XVII жарны "Галзууруулагч" хэмээх модон хонь жилийн сар шинийн баярт зориулсан хүчит бөхийн барилдааны шөвгийн найман бөх тунаж үлдлээ. Яг одоо Монгол Бөхийн өргөөнд болж байгаа уг барилдааныг Ерөнхийлөгч, Ерөнхий сайд хийгээд улс төрийн эрхэм түшээд, ард иргэд шимтэн үзэж байна. Энэ жилийн хувьд МАХН-ын дарга Н.Энхбаяр, намын нөхдийнхөө хамт бөхийн барилдаанаа үзэж байгаа нь олны анхаарлыг татаж байна. Тэрбээр эх орондоо бус БНСУ-д эмчилээ хийлгэж байгаад Сар шинийг тохиолдуулан ирээд байгаа билээ.
Өнөөдрийн барилдаанд Монгол улсын дархан аварга Г.Өсөхбаяр, улсын аварга С.Мөнхбат, Г.Эрхэмбаяр, Улсын арслан Д.Ганхуяг, Н.Батсуурь, П.Бүрэнтөгс, Улсын гарьд Б.Гончигдамба, Ш.Жаргалсайхан, Улсын заан Ч.Санжаадамба тэргүүтэй улс аймгийн алдар цолтой бөхчүүд хүрэлцэн иржээ. Дашрамд дуулгахад, их шөвгийн барилдаанд шалгарсан дөрвөн бөхөд Ерөнхийлөгчийн батламж гардуулна юм байна.