Монгол Улсын Их Хурлын дарга Зандаахүүгийн Энхболд өнөөдөр /2015.03.06/ Өмнөговь аймгийн Даланзадгад суманд ажиллаж байна.
Тэрээр тус сумын иргэдэд Улсын Их Хурлын 2014 оны намрын ээлжит чуулганаар батлагдсан хууль, тогтоолуудын талаар мэдээлэл хийлээ. 2014 оны намрын ээлжит чуулганаар нийт 164 хууль, 78 тогтоол баталсан. Үүнээс бие даасан хууль 15, хуульд нэмэлт, өөрчлөлт оруулах тухай хууль 123, хууль хүчингүй болгох тухай хууль 15, олон улсын гэрээ, конвенц соёрхон батлах, нэгдэн орох тухай 11 хууль баталсан.
Манай улсын төсвийн нийт орлого 6.632.5 тэрбум, нийт зарлага 7.837.4 тэрбум төгрөг, нийт алдагдал 1.204.8 тэрбум төгрөг байгааг мэдээлэв. Тус чуулганы хугацаанд баталсан Төсвийн тухай хуульд нэмэлт өөрчлөлт оруулах тухай хуулийн төсөлд төсвийн зарлага бууруулах арга хэмжээ авч хэрэгжүүлэхээр УИХ-д өргөн барьсан. Үүний хүрээнд 2015 онд шинээр барилга байгууламж барихгүй, харин ажил нь эхэлсэн ч дуусаагүй барилгуудыг 2015 онд ашиглалтад оруулах зорилтыг тавьсан.
Төрөөс төмөр замын тээврийн талаар баримтлах бодлогын хэрэгжилтийг хангах зарим арга хэмжээний тухай Улсын Их Хурлын тогтоолын төслийг танилцууллаа. УИХ-ын 64 дүгээр тогтоолоор Тавантолгой-Гашуунсухайт, Хөөт-Бичигтийн чиглэлийн 1435 мм-ийн нарийн царигаар, Арцсуурь-Эрдэнэт, Тавантолгой-Сайншанд-Баруун-Урт-Хөөт-Чойбалсан, Хөөт-Нөмрөг чиглэлийн 1522 мм-ийн өргөн царигаар төмөр зам барихаар болсныг танилцуулав. Төмөр замын шинэ шугам барьснаар эдийн засгийн хувьд чухал ач холбогдолтойн зэрэгцээ, дэд бүтцийг дагасан хот суурин шинээр байгуулагдах нь нутгийн хөгжилд онцгой хувь нэмэр оруулахыг ч хэллээ.
Монгол Япон улсууд Эдийн Засгийн түншлэлийн хэлэлцээрийг байгуулахаар өнгөрсөн хоёрдугаар сард Ерөнхий сайд нар гарын үсэг зурсан. Энэхүү хэлэлцээрийг УИХ-аар 2 дугаар сарын 18-нд соёрхон баталлаа. Одоо Япон улсын парламент хэлэлцээрийг баталснаар Монгол Япон улсын эдийн засгийн харилцаанд онцгой ач холбогдол өгөхийн зэрэгцээ олон төрлийн бараа бүтээгдэхүүн татваргүй болох юм. Мөн Япон улсад хэрэгтэй байгалийн баялаг манай улсад байна, харин Монгол улсад хэрэгтэй өндөр технологи Япон Улсад байна. Ийнхүү бие биенээ нөхөх бодлогын хүрээнд энэхүү хэлэлцээрийг байгуулсан болохоо танилцуулав.
Олон нийтийн анхаарлын төвд байгаа Ашигт малтмалын тухай хуульд нэмэлт өөрчлөлт оруулах тухай хуулийн талаар мэдээлэл өглөө. Стратегийн ач холбогдол бүхий ашигт малтмалын ордын ашиглалтын тусгай зөвшөөрөл эзэмшигч нь стратегийн ач холбогдол бүхий ордын ашигт малтмалын нөөц ашигласны тусгай төлбөрийг улсын төсөвт төлнө. Тусгай төлбөрийн хувь хэмжээг Засгийн газар батлах бөгөөд тусгай төлбөрийн хувь хэмжээ нь тухайн ордын онцлогоос хамаарч 5 хувиас хэтрэхгүй байх зэрэг зарим өөрчлөлтүүд орсон болохыг мэдээлэв. Мөн Өмнөговь аймагт хэрэгжих хот суурин газрын ус хангамж, гидрогеологийн зураглалын судалгаа, Говийн бүсийн сургалтын төв, Соёлын төвийн барилга болон тус аймагт хэрэгжих бусад төслийн талаар танилцууллаа.
Мөн 2015 оны улсын төсвийн талаар, Чөлөөт бүсийн тухай хуулийн шинэчилсэн найруулга, Төрөөс төмөр замын тээврийн талаар баримтлах бодлогын хэрэгжилтийг хангах зарим арга хэмжээний тухай Улсын Их Хурлын тогтоол, Эрүүл мэндийн даатгалын тухай хуулийн шинэчилсэн найруулга, Төрөөс эмийн талаар баримтлах бодлого, Төрөөс боловсролын талаар баримтлах бодлого батлах тухай УИХ-ын тогтоол, Монгол хэлний тухай хууль, Соёлын тухай хууль, Номын сангийн тухай хууль, Мөн Тамхины хяналтын тухай хуульд оруулсан өөрчлөлт, Нийгмийн даатгалын тухай хуульд оруулсан нэмэлт, өөрчлөлт, Нийгмийн даатгалын сангаас олгох тэтгэвэр, тэтгэмжийн тухай хуульд оруулсан нэмэлт, өөрчлөлт болон бусад хууль, тогтоомжуудын талаар дэлгэрэнгүй танилцуулав. Монгол Улсын Их Хурлын дарга З.Энхболд Улсын Их Хурлын 2014 оны намрын ээлжит чуулганаар батлагдсан хууль, тогтоолын талаар мэдээлэл хийсний дараа Даланзадгад сумын иргэдийн сонирхсон асуултад хариулт өглөө.
Даланзадгад сумын иргэд УИХ-ын даргаас Төрөөс боловсролын талаар баримтлах бодлого, Даланзадгад сумыг хот болгох тухай, Өршөөлийн тухай хууль хэзээ батлагдах тухай, Эрүүгийн хуулийн шинэчлэлийн тухай асуулт асууж мөн уул уурхайн үйл ажиллагаатай холбоотойгоор говийн усны түвшин дундарч байгаа нь томоохон голын усыг говь руу татаж ашиглах, мал аж ахуй болон хөдөө аж ахуйн салбарт анхаарал хандуулж, хөгжүүлж, дэмжих зэрэг саналуудыг гаргав.
УИХ-ын дарга Даланзадгад суманд ажиллах үеэр УИХ-ын гишүүн Д.Бат-Эрдэнэ, УИХ-ын гишүүн Ц.Баярсайхан, УИХ-ын даргын ахлах зөвлөх С.Ламбаа, Өмнөговь аймгийн Засаг дарга Б.Бадраа болон албаны бусад хүмүүс байлцав хэмээн УИХ-ын Тамгын газрын Хэвлэл мэдээлэл, олон нийттэй харилцах хэлтсээс мэдээлэв.
Тэрээр тус сумын иргэдэд Улсын Их Хурлын 2014 оны намрын ээлжит чуулганаар батлагдсан хууль, тогтоолуудын талаар мэдээлэл хийлээ. 2014 оны намрын ээлжит чуулганаар нийт 164 хууль, 78 тогтоол баталсан. Үүнээс бие даасан хууль 15, хуульд нэмэлт, өөрчлөлт оруулах тухай хууль 123, хууль хүчингүй болгох тухай хууль 15, олон улсын гэрээ, конвенц соёрхон батлах, нэгдэн орох тухай 11 хууль баталсан.
Төрөөс төмөр замын тээврийн талаар баримтлах бодлогын хэрэгжилтийг хангах зарим арга хэмжээний тухай Улсын Их Хурлын тогтоолын төслийг танилцууллаа. УИХ-ын 64 дүгээр тогтоолоор Тавантолгой-Гашуунсухайт, Хөөт-Бичигтийн чиглэлийн 1435 мм-ийн нарийн царигаар, Арцсуурь-Эрдэнэт, Тавантолгой-Сайншанд-Баруун-Урт-Хөөт-Чойбалсан, Хөөт-Нөмрөг чиглэлийн 1522 мм-ийн өргөн царигаар төмөр зам барихаар болсныг танилцуулав. Төмөр замын шинэ шугам барьснаар эдийн засгийн хувьд чухал ач холбогдолтойн зэрэгцээ, дэд бүтцийг дагасан хот суурин шинээр байгуулагдах нь нутгийн хөгжилд онцгой хувь нэмэр оруулахыг ч хэллээ.
Олон нийтийн анхаарлын төвд байгаа Ашигт малтмалын тухай хуульд нэмэлт өөрчлөлт оруулах тухай хуулийн талаар мэдээлэл өглөө. Стратегийн ач холбогдол бүхий ашигт малтмалын ордын ашиглалтын тусгай зөвшөөрөл эзэмшигч нь стратегийн ач холбогдол бүхий ордын ашигт малтмалын нөөц ашигласны тусгай төлбөрийг улсын төсөвт төлнө. Тусгай төлбөрийн хувь хэмжээг Засгийн газар батлах бөгөөд тусгай төлбөрийн хувь хэмжээ нь тухайн ордын онцлогоос хамаарч 5 хувиас хэтрэхгүй байх зэрэг зарим өөрчлөлтүүд орсон болохыг мэдээлэв. Мөн Өмнөговь аймагт хэрэгжих хот суурин газрын ус хангамж, гидрогеологийн зураглалын судалгаа, Говийн бүсийн сургалтын төв, Соёлын төвийн барилга болон тус аймагт хэрэгжих бусад төслийн талаар танилцууллаа.
Даланзадгад сумын иргэд УИХ-ын даргаас Төрөөс боловсролын талаар баримтлах бодлого, Даланзадгад сумыг хот болгох тухай, Өршөөлийн тухай хууль хэзээ батлагдах тухай, Эрүүгийн хуулийн шинэчлэлийн тухай асуулт асууж мөн уул уурхайн үйл ажиллагаатай холбоотойгоор говийн усны түвшин дундарч байгаа нь томоохон голын усыг говь руу татаж ашиглах, мал аж ахуй болон хөдөө аж ахуйн салбарт анхаарал хандуулж, хөгжүүлж, дэмжих зэрэг саналуудыг гаргав.
