С.Баяр, Сү.Батболд, Ц.Нямдорж нараас бусад МАН-ын бүх удирдлагууд Н.Энхбаяр дээр очиж золгосон гэнэ. МАХН-ынхан болоод Н.Энхбаяр үүнд нь баярлаж байгаа бололтой.

Харин С.Баяр, Сү.Батболд, Ц.Нямдорж нарыг ирж уулзаагүйд нь ихэд эгдүүцэж байгаа гэнэ. Учир нь тэд бүгд Н.Энхбаярын ачаар албан тушаалд очиж өдий хэмжээнд хүрсэн аж. Тэгсэн мөртөөө хүн чанар, Монголын ёсыг бодоод Цагаан сарын баяраар ирж золгоогүй гэж МАХН-ын Ерөнхий нарийн бичгийн дарга Ц.Шаравдорж хэлжээ.

Тэрбээр энэ талаар “Эд нар бүгд Н.Энхбаяр даргаас албан тушаал авч өнөөдрийг хүртэл ажил албатай, мөнгөтэй, хөрөнгөтэй болоо биз дээ. Заавал улс төр ярихгүйгээр “Бие чиьн сайн байна уу” гээд цагаан сараар хадаг барин ирж золгочих ёс зүй энэ хүмүүст алга. Зарим хүмүүсийг ирээсэй гэж би бодож байсан. Ц.Нямдорж тэргүүтэй хүмүүс бол улс төрд хатаагдсан хүмүүс. Ёс зүйгээ бодож ирээд уулзчих ёстой байсан л даа. Н.Энхбаяр дарга ч ирж уулзаасай гэж хүсч байсан. Н.Энхбаяр дарга битүүний өдөр онгоцноос буугаад шууд Бөхийн өргөөнд ирж үзэгчдийн суудалд суухад нэг хүн явуулаад Н.Энхбаяр даргыг дуудаад ардаа суулгачих байсан юм. Хоорондоо хөөрөг зөрүүлээд суусан бол хүмүүсийн дотор нэг сайхан онгойх байсан биз. Манай Элбэгээ түүн дээр алдсан” гэж хэлэв.

Үүнээс үзвэл С.Баяр, Сү.Батболд, Ц.Нямдорж нарын хүмүүсийг ирж золгоогүйд Н.Энхбаяр “юм бодсон” л бололтой юм.

Харин тэд нар нь одоо Н.Энхбаярыг тоож харьцах хэмжээний хүмүүс биш гэж олон нийт үздэг. Мөн МАХН-ынхан намын даргыг нь шоронд хийсэн хүнийг Ц.Нямдорж мөн гэдгийг тодоос тод мэдсэндээ ихэд баяртай байгаа аж. Тийм ч учраас цаашид ихэд болгоомжтой байж сонгуульд хүртэл бодолтой оролцох гэнэ.

Харин өнөөгийн улс төрчид Н.Энхбаярыг Монголд байлгахгүй гэх бүх арга хэмжээг авч сая хүртэл хөөж явуулсан гэж Ц.Шаравдорж хэлжээ. Тэрбээр “Н.Энхбаярын хилээр гарах эрхийг нь хаана гэх мэт зохиомол мэдээлэл тараасан” гэв.