Ерөнхий сайд асан Н.Алтанхуяг өнгөрсөн долоо хоногт Сүхбаатар аймагт ажиллаад иржээ.

Тус аймагт хийгдсэн бүтээн байгуулалтын ажлуудтай танилцсан талаарх сэтгэгдлээ өөрийн талаар цахим хуудаснаа бичсэн байна.

Тэрбээр "Сүхбаатар аймагт ажиллаад, Батсуурь даргийн шинээр хийсэн бүтээн байгуулалтуудтай танилцаад ирлээ. Сүхбаатар аймаг хүртэл Улаанбаатар хотоос 5 хан цаг явдаг болжээ. Замын ач буян. Аймгийн төвөөс 10 км цаана тусгай хороо байгуулж хашаа бүрт цахилгаан, худгийн усыг нь айл бүрт оруулж чадсанаар малтай айлууд боломжийн үнээр нүүж оржээ. Мөн Баруун-Урт хотод 17 давхар байшингийн карказ боссон байна. Хоёр жилийн дараа дахин очиход Баруун-Урт хотод орон сууц, хаус маш олноор нэмэгджээ. ЗД Батсуурь, Хурлын дарга Мөнхжаргал нартаа баяр хүргэе" хэмээжээ.

Дашрамд дурдахад, Улаанбаатар хотоос тус аймаг руу тавигдсан хатуу хучилттай зам болон Баруун-Урт хот дахь бүтээн байгуулалтын ажлууд нь Шинэчлэлийн Засгийн газрын үед эхлэлээ тавьсан билээ.

Т.Энхэлээ