Үндсэн хуульд нэмэлт өөрчлөлт оруулах тухай хуулийн төслийг УИХ-д өргөн мэдүүлээд байгаа.

Энэ асуудлыг 11 дүгээр сарын 10-ны мягмар гарагт Эдийн засгийн болон Төрийн байгуулалтын байнгын хорооны хамтарсан хуралдаанаар хэлэлцэх эсэхийг шийднэ.

Улсын Их Хурлын гишүүн Н.Батбаяр нарын долоон гишүүн өргөн мэдүүлсэн хуулийн төслийг УИХ-аар хэлэлцэн шийдвэрлэхийн өмнө ард нийтийн санал асуулга явуулахаар заасан байна. Ард нийтийн санал асуулгыг энэ сарын 26-ны өдөр явуулахаар төсөлд тусгажээ.

Хэрэв бүх ард нийтийн санал асуулгаар үндсэн хуульд өөрчлөлт оруулахаар шийдэгдвэл:

- Засгийн газар тогтвортой ажиллах эрх зүйн орчныг бүрдүүлэх

- Ерөнхий сайд гүйцэтгэх эрх мэдлийг хэрэгжүүлж, хууль биелүүлэх ажлыг УИХ-ын өмнө хариуцах хариуцлага

- Засгийн газрын үйл ажиллагаагаа тогтвортой явуулах бие даасан байдлыг дээшлүүлэх

- Ерөнхийлөгчийг нийт ард түмнээс сонгодог байсныг УИХ-аас өргөтгөсөн төлөөлөлтэйгөөр, зургаан жилийн хугацаагаар, нэг удаа сонгодог байх

- Ерөнхийлөгч нь ард түмний эв нэгдлийг илэрхийлэгч институт байх зарчимд бүрэн эрхийг нь нийцүүлэх зэрэг хэд хэдэн өөрчлөлт хийжээ.