БОАЖЯ Европын холбооны СВИЧ Ази ТХҮДХ-тэй хамтран Тогтвортой хэрэглээ, үйлдвэрлэл нэрт талуудын зөвлөлдөх уулзалтыг зохион байгууллаа.
Уулзалтад оролцогчид нь шинээр батлагдсан Свич Ази төслийн талаар мэдээлэл авахын зэрэгцээ, хэрхэн хамтран ажиллах, хамтын ажиллагааг өргөжүүлэх, Тогтвортой хэрэглээ, үйлдвэрлэлийн хэрэгцээ, тэгүүлэх чиглэл, тулгамдсан асуудлууд болон боломж, цаашид хэрэгжүүлэх арга хэмжээний талаар санал бодлоо хуваалцсан юм.
Хэлэлцүүлгийг хоёр хэсэгтэйгээр зохион байгууллаа. Нэгд Монгол улс дахь Свич Ази хөтөлбөрийн тогтвортой хэрэглээ, үйлдвэрлэлийн чиглэлээр хэрэгжүүлэх төсөл, санаачилгын талаар, хоёрд Тогтвортой хэрэглээ, үйлдвэрлэлийн хэрэгцээ, үйл ажиллагааны хүрээг тогтоох, улс орны онцлогт нийцүүлэх, түншлэл хамтын ажиллагаа, хэрэгжилтийн талаар тус тус хэлэлцэнэ.
Уулзалтад оролцогчид нээлттэй ярилцлагад оролцон, тэргүүлэх чиглэл, тулгамдсан асуудал, боломж, мөн Тогтвортой хэрэглээ, үйлдвэрлэлийг Монгол Улсад дэлгэрүүлэх ажлын цар хүрээг нэмэгдүүлэх боломжийг тодорхойлох аж. Түүнчлэн, үндэсний болон бүс нутгийн хэмжээнд бодлогыг хэлэлцэх, дэмжлэг өрнүүлэх, нэгдсэн сонирхолтой иргэн, иргэн байгууллагын хамтын ажиллагааг тогтоох, сонирхлын бүлгийг бий болгох, мэдлэг солилцох, мөн Жижиг дунд үйлдвэрлэл болон санхүүгийн байгууллагууд хооронд харилцаа холбоо тогтоох зэрэг асуудлыг хэлэлцэж, дараагийн алхам, хэрэгжүүлэх хэмжээг тодорхойлоход ач холбогдол өгч ажиллах юм байна.
Мөн БОАЖЯ Европын Холбооны Свич Ази хөтөлбөртэй хамтран Тогтвортой хэрэглээ, үйлдвэрлэлийг Монгол Улсын онцлог нөхцөлд нийцүүлэн хэрэгжүүлэх, нутагшуулах, дэлгэрүүлэх чиглэлээр дэмжлэг авч, хамтран ажиллахаар үйл ажиллагаагаа эхэлж байна. Энэ төслийн хүрээнд Тогтвортой хэрэглээ, үйлдвэрлэлийн мэдлэг, мэдээллийг түгээн, үндэсний чадавхыг бэхжүүлэх, Банк санхүүгийн байгууллагууд болон бусад бүх оролцогчдыг оролцуулан Тогтвортой хэрэглээ, үйлдвэрлэлийн сайн туршлагын талаарх мэдээлэл, үр дүнг түгээн дэлгэрүүлж, хэрэгжилтийг дэмжих, Монголын үйлдвэрлэгчид, ЖДҮ, БЖДҮ-д үр өгөөжөө хүртээх зорилгоор Тогтвортой хэрэглээ, үйлдвэрлэлийн бодлоготой холбоотой эко шинэ санаачилга, урамшууллын схемийг сурталчлах, нэмэгдүүлэх, бодлогын оновчтой хэрэгжилт, үр дүнг түгээн дэлгэрүүлэхэд дэмжлэг үзүүлэх, бодлого боловсруулагчдад Тогтвортой хэрэглээ, үйлдвэрлэлийг хэрэгжүүлэхтэй холбоотой техникийн туслалцаа үзүүлэх зэрэг зорилтыг тавиад байгаа аж.
Л.Сайнбаяр
