ЗТХЯ-ны албан байранд хүмүүс архидан согтуурч нэгнийхээ аминд хүрсэн ноцтой хэрэг наймдугаар сарын 10-нд гарсны дараагаар ЗТХ-ийн сайд Ж.Бат-Эрдэнэ хариуцлага хүлээж албан тушаалаасаа огцрох хүслтээ Ерөнхий сайд У.Хүрэлсүхэд гаргасан байдаг.  

МАН, Засгийн газар  ч олон түмний бухимдлыг намжаахын тулд ЗТХ-ийн сайд, дэд сайдыг яаран сандран огцруулж, өөрсдөө гэм зэмгүй үлдсэндээ баярлаад өнгөрсөн. Үнэндээ албан тушаалтайгаа зууралдан, сандлаасаа чаргууцалдаад байдаг МАН-ынхан дотор ингэж хариуцлагаа ухамсарлаж, өөрөө сайн дураараа огцродог хүн түүхэнд бараг гараагүй....Яаманд нь хүн архидан согтуурсны төлөө байтугай өөрөө хариуцлагагүйтэж, ёсзүйн дутагдал гаргачихаад нүүр нь улайж, нүд нь бүлтийхгүйгээр өөрийгөө магтаад явдаг хүн МАН-д захаас аваад олон.

Захирагдагсад нь бүү хэл, өөрөө ууж идэж, хүн зодож, унтаж нойрсч, сонгогчдоо загнаж, ямар ч хариуцлагагүй мэдэгдэл хийдэг гээд МАН-ын энэ 65 дотор үүрлэсэн болж бүтэхгүй нөхөд алийг тэр гэхэв. Өнөөгийн ерөнхий сайд У.Хүрэлсүх гэхэд л Төрийн ордонд УИХ-ын гишүүнийг зодож танхайрчихаад уучлал гуйх төдийгөөр  өнгөрч байсан биш үү.

Гэтэл хамгийн олон боловсон хүчинтэй гэдэг МАН нэг, тэгэх тэгэхдээ хамгийн чухал  салбарынхаа сайдыг томилж чадалгүй бүтэн хоёр сарыг ардаа орхилоо......Дэд сайдыг нь томилсон ч жинхэнэ сайдыг нь томилж чаддаггүй. Ж.Энхбаяр, Я.Содбаатар гээд сайд болчих санаатай хүн олон гарсан ч томилж чадалгүй өнөө хүрч байна.

Замын дундаас Ж.Энхбаяр нь өөрөө татгалзсан гэх яриа ч байна. Энд хамгийн ноцтой зүйл нь УИХ даь МАН-ын бүлэг 32, 33-аараа хоёр хуваагдан фракц болсон нь асуудлыг гацааж байж болох. “33-ын бүлэг” нь Я.Содбаатарыг, “32-ын бүлэг” нь Д,Хаянхярвааг ЗТХ-ийн сайдад зүтгүүлэх гээд санал зөрөлдөөд байгаа гэсэн мэдээлэл ч байна. Мэдээж энэ хоёр нөхрийн хувьд сайд болох бөөн сонирхол байгаа ч бүлгүүд өөр өөрийн эрх ашгаа хамгаалан, хамгийн гол энэ салбарт өөрийн сайдтай байх сонирхол нь асуудлыг нэг тийш болгон шийдэхэд чагт болж байгаа нь энэ.

ЗТХ-ийн сайд нь олдохгүй, томилж чадахгүй, тэгээд заавал “давхар дээлтэй” хүн л байх ёстой юм бол ажлаа хэвийн хийж, амжуулж явсан, мэргэжлийн хүн Ж.Бат-Эрдэнийгээ л буцаагаад томилчих л доо.....Харин ч намаа, Засгийн газрынхаа нэр нүүрийг бодож цээжээрээ хамгаалан огцрох өргөдлөө өөрөө өгсөн,  МАН-д байгаа хамгийн хариуцлагаа ухамсарладаг, ёс зүйтэй хүн нь Ж.Бат-Эрдэнэ биш юм уу... Тэгээд ч түүний огцрох үндсэн шалтгаан нь ажлын бус цагаар яамны нь албан байранд ажилтнууд нь архидан согтуурч танхайран нэгнийхээ амийг бүрэлгэсэн хэрэг. Бат-Эрдэнэ сайд ч энэ үеэр байгаагүй......Түүний гол буруу нь боловсон хүчнээ зөв сонгоогүй явдал л байх...... Яахав МАН-д үнэхээр сайд хийчих хүн олдохгүй, аргаа ядаад Я.Содбаатар мэтийн тэс хөндлөнгийн хүнийг залах дээрээ тулчихаад байгаа юм бол яамныхан, салбартаа нэр хүндтэй, ажлаа мэддэг  Ж.Бат-Эрдэнийгээ эргүүлээд томилчихож болдоггүй юм уу..

Тэр чинь Я.Содбаатарыг бодвол 2000-2004 онд Засгийн газрын хэрэгжүүлэгч агентлаг Авто тээврийн газрын дарга, 2007-2012 онд Зам, тээвэр, аялал жуулчлалын яамны Төрийн нарийн бичгийн даргын ажил эрхэлж энэ салбартаа мэргэшсэн хүн шүү дээ....