Азийн бүсийн орнуудын Засгийн газар хоорондын "Байгаль орчинд ээлтэй тогтвортой тээвэр-БОЭТТ" 11 дэх удаагийн Олон Улсын форумыг маргаашнаас эхлэн энэ сарын 5-ны өдрүүдэд Шангри-Ла зочид буудалд зохион байгуулах бэлтгэл ажил хангагдсан талаар өнөөдөр Барилга хот байгуулалтын яам, Нийслэлийн Засаг даргын Тамгын газар, Байгаль орчин аялал жуулчлалын НҮБ-ын Бүсийн хөгжлийн төв нар мэдээлэл хийлээ.
Уг чуулга уулзалт нь хүн амын хурдацтай өсөлт, зохион байгуулалтгүй хотжилт, хангалтгүй дэд бүтэц, нөөц, хот, орон нутаг дахь үндсэн үйлчилгээ зэргээс шалтгаалан хотуудад тулгарч буй нийгэм, эдийн засаг, байгалийн сорилтуудыг даван туулах оновчтой арга зам, бодлого, зорилтуудыг хэрхэн үр дүнтэй хэрэгжүүлэх чиглэлд гол анхаарлаа хандуулдаг байна.
Энэ удаагийн уулзалтыг “Тогтвортой хот төлөвлөлт, хот байгуулалтад тээврийн гүйцэтгэх үүрэг” уриагаар хэрэгжүүлэх гэж буй бөгөөд гадаадын 24 орны төлөөлөгч 142 төлөөлөгч оролцох аж.
Уг форумыг зохион байгуулснаар Азийн бүстийн болон Европ, Америкийн 20 гаруй орны Засгийн газар, банк, санхүү, төрийн бус байгууллагууд, эрдэм шинжилгээний байгууллагын төлөөлөгчид нэг дор чуулж, тогтвортой хот төлөвлөлт, хот байгуулалт, тээврийн бодлогын хувилбарууд, арга хэмжээ, технологийн зохицуулалт, санхүүгийн механизмын талаар хэлэлцэж, мэдлэг туршлагаа хуваалцах, “Тогтвортой хөгжлийн хөтөлбөр-2030”, “Уур амьсгалын өөрчлөлтийн талаарх Парисын хэлэлцээр”, “Банкок тунхаглал-2020” болон НҮБ, түүний төрөлжсөн байгууллагуудаас гаргасан олон улсын хэлэлцээр, хөтөлбөр, тунхаглалд тусгагдсан зорилтуудад чиглэсэн төслүүдийг хэрхэн тууштай хөгжүүлэхийн төлөө ажиллаж буй талаар болон бусад өргөн хүрээний эдийн засаг, шинжлэх ухаан, техник технологийн асуудлыг хэлэлцүүлж, санал бодлоо хуваалцана.
Түүнчлэн Монгол Улсын Их хурлын 2014 оны 43 дугаар тогтоолоор батлагдсан Монгол Улсын Ногоон хөгжлийн бодлого, түүнийг хэрэгжүүлэх арга хэмжээний төлөвлөгөө, Монгол Улсын “Тогтвортой хөгжлийн үзэл баримтлал 2030”, Засгийн газрын үйл ажиллагааны хөтөлбөрт тусгагдсан ажлуудыг НҮБ, түүний төрөлжсөн байгууллагуудаас батлан хэрэгжүүлж буй дээрх бодлогы баримт бичгүүдтэй хэрэгжүүлэ тухай болон тогтвортой, нүүрстөрөгчийн хийн ялгарал багатай зам, тээврийн оновчтой шийдлээр Тогтвортой хөгжлийн зорилт-11 хэрхэн хэрэгжүүлэх арга замыг тодорхойлон хэлэлцэх юм.
Р.Хишигжаргал
