“УБТЗ” ХНН-ийн II ангийн IX хэсгийн замчин өнөө өглөө 10.53 цагт гал тэргэнд дайруулж нас баржээ. Талийгаач Өнөржаргал нь тус байгууллагын Хонхор орчим дахь төмөр замын хэсгийн бригадын ахлагч бөгөөд өдгөө 25 настай залуу байжээ. Осол болох үеэр талийгаач төмөр замын аюулгүй байдлыг шалгаж явсан байна.

Хэргийн газарт Тээврийн цагдаагийн албаны Төмөр замын цагдаагийн алба хаагчид яг одоо үздэг хийж байна.

Замчин залуус галт тэрэгт дайруулж нас барсан тохиолдол ганц үүгээр зогсохгүй. Тодруулбал, өнгөрөгч 2018 оны наймдугаар сарын 25-нд Дорноговь аймаг дахь Төмөр замын өртөөний замчин залуу мөн л галт тэргэнд дайруулж нас барсан байдаг. Үүрэгт ажлаа гүйцэтгэж явахдаа амиа алдсан замчин залууг амиа хорлосон гэдэг дүгнэлт гаргасанд гомдолтой байгаагаа ар гэрийнхэн нь манай сайтад мэдэгдэж байсан юм.

Үүнээс өмнө нь галт тэрэг замаасаа гарсан, осолдсон зэрэг осол аваар цөөнгүй гарч байсан ч салбар хариуцсан дарга Жигжиднямаа нь өнөөг хүртэл албан ёсны мэдээлэл хийгээгүй байна.

Г.Нацаг