Нийслэлийн мэргэжлийн хяналтын газраас орон сууцны нэг давхарт үйл ажиллагаа явуулдаг хоолны газруудад гэнэтийн шалгалт хийж байна. Энэ хүрээнд Хан-Уул дүүргийн 2, 10, 15 дугаар хорооны орон сууцны нэг давхарт байрладаг зохих зөвшөөрөлгүй хоолны газруудын үйл ажиллагааг түр зогсоосон байна.

Шалгалтаар нийтийн орон сууцны бүсэд үйлдвэрлэлийн байрны агааржуулалтын системийг стандарт шаардлагын дагуу суурилаагүй нь оршин суугчдын тав тухыг алдагдуулсан, орчиндоо хэншүү үнэртэй, эрүүл ахуйн зохистой дадлыг хэвшүүлээгүй, бүтээгдэхүүнийг шинжилгээнд хамруулаагүй болон орон сууцны зориулалтыг өөрчлөн засварлаж хоол үйлдвэрлэл, үйлчилгээ эрхэлж байсан зөрчил илэржээ. Цаашид бусад дүүргүүдэд мөн шалгалт хийж, зөвшөөрөлгүй болон холбогдох хууль, тогтоомжийн дагуу үйл ажиллагаа явуулаагүй хоолны газруудыг хаах аж.