Эдийн засгийн байнгын хорооны маргаашийн хуралдаанаар Монгол Улсын Эрдэнэсийн сангийн 2018 оны төсвийн гүйцэтгэл, үндсэн сангийн орлого, үндсэн болон гүйлгээ сангийн зарлагын 2019 оны төсвийн тухай хэлэлцэхээр болжээ. Хуульд зааснаар уг асуудлыг хаалттай горимоор хэлэлцдэг заалттай.
Эрдэнэсийн сангийн тухай хуулиар эрдэнэс, үнэт металл, үнэт чулуу гэж ангилдаг. Үнэт металлд алт, мөнгө, түүний бүлэгт багтдаг бусад металлууд багтдаг бөгөөд үнэт чулуунд доржпалам, бадмаараг, маргад эрдэнэ ордог. Өдгөө Монголбанкны Эрдэнэсийн санд НТӨ I мянганаас-XII зууны үеийн археологийн олдворууд, Монголын эзэнт гүрний үед холбогдох алт, мөнгөн зоос болон мөнгөн дэвсгэрт, XVII-XX зууны эхэн үеийн монголчуудын оюуны болоод эдийн соёлыг илэрхийлэх эд хэрэглэгдэхүүн, Монгол улсын хаан VIII Богд Жавзандамба хутагт болон Улсын эх дагина Дондогдуламын хэрэглэж байсан эд зүйлс, төрийн тамга, алтан өргөмжлөлүүд, Монгол Улсын төрийн дээд одон тэмдэг зэрэг Монгол Улсын хосгүй болон үнэт үзмэрүүд, мөн Монгол Улсын гүйлгээний түүхэн мөнгөн тэмдэгт, Монголбанкнаас эрхлэн гаргасан дурсгалын зооснууд хадгалагдаж байна. Мөн түүх, соёлын хосгүй үнэт, дурсгалт зүйлсүүд байдаг. Тухайлбал, Богдын тамга, Жамухын бүс, бусад архелогийн олдворууд Эрдэнэсийн санд хадгалагдаж байна.
С.Сүлд
Сэтгэгдэл (1)