УИХ-ын чуулганы нэгдсэн хуралдаанаар Үндсэн хуулийн нэмэлт, өөрчлөлтийн хоёр дахь хэлэлцүүлгийг хийж байна. “Нэг Засгийн газар орж ирээд төсөл хэрэгжүүлдэг. Тэр нь биелдэг ч юм уу. Сингапурыг хараад үз л дээ. Жижигхэн орон хөгжлөөрөө тэргүүлж байна. Их Британийн колон байж байгаад дэлхийн эдийн засгийг ганхуулж байна. Ардчилал, шударга ёс гэдэг үгээр хөгжихгүй. Байгалийн баялгаа замбараагүй олгож, ард түмнээ доромжилж байгаа шүү. Тийм учраас цэгцтэй байдлаар хангах хэрэгтэй” гэв.

Харин гишүүн С.Батболд “Энэ төслийг дэмжиж байгаа. Гэхдээ ганц хоёр зүйлийг анхаарах ёстой. Зарлага болон алдагдлын хэмжээг өөрчилж болохгүй гэж оруулж ирж байгаа нь зөв. Зарлага гарсан тохиолдолд заавал орлогын эх үүсвэрээ оруулж ирэхээр болж байна. Төсвийн алдагдал, хяналтыг хуулиар тогтооно гэдгийн нь дотор хяналт гэж байна. Төрийн санхүү төсвийн хэрэгжилтийг хянадаг нь аудит. Хоёрдугаарт, Д.Тэрбишдагва гишүүнтэй санал нэг байна. Монгол Улсын хөгжлийн төлөвлөлт бодлого нь сонгуулийн циклтэй холбогдож уриа лоозон маягаар явж ирсэн. Энэ утгаараа Д.Тэрбишгдагва гишүүний санал зөв. Японыг тогтвортой хөгжилтэй орон гэж үздэг. Үүнийх нь хөгжлийн бодлогыг нь төрийн захиргааны байгууллага болох Эдийн засаг худалдааны яам гэж байдаг. Сонгуулийн циклээр нэг Засгийн газар гарч ирээд хөнгөн үйлдвэр, нөгөөх нь инноваци яриад явдаг. Төсвийн бодлогыг зангидаад явдаг төрийн захиргааны байгууллага бий болох ёстой. Дөрвөн парламент дамжаад суусан хүний хувьд хэлэхэд үүнийг байнга ярьдаг. Баримт бичиг гаргадаг. Эцсийн дүндээ уриа лоозон цаас болдог. Худалдааны бодлого гэдэг асуудал жишээ нь алга. Тийм учраас энэ зүйлийг тусгах нь зүйтэй. Төрийн яамдад энэ төрлийн бодлого байдаггүй. Төрийн захиргааны бодлого төлөвлөлт хариуцсан яамыг байгуулах хэрэгтэй гэдэг саналыг хэлмээр байна” гэлээ.

С.Сүлд