Хууль зүй, дотоод хэргийн яамнаас цаг үеийн асуудлаар мэдээлэл хийлээ.
Тус яамны Төрийн нарийн бичгийн дарга Г.Билгүүн "Сүүлийн үед хэвлэл мэдээллийн хэрэгслээр Хууль зүй, дотоод хэргийн яамны харьяа шүүхийн шийдвэр гүйцэтгэх газар хар тамхитай холбоотой асуудлыг хөндөж байна. Төрийн аль яаманд Төрийн нарийн бичгийн дарга нь төсвийн захирагч байдаг. Шүүхийн шийдвэр гүйцэтгэх байгууллага үнэхээр хар тамхины сүлжээтэй холбоотой асуудал гарсан бол шалгаж тодруулах ёстой. Лотус майнинг гээд компанийн захиралтай холбож бичсэн байна лээ. Шүүхийн шийдвэр гүйцэтгэх байгууллагад сүүлийн зургаан жилийн хугацаанд ямар нэгэн машин худалдаж аваагүй. Харин 141 автомашин актлагдсан байна. 1.5 тэрбум төгрөгөөр 29 ширхэг автомашин авсан байна. Та бүгд мэдэж байгаа байх хуульд зааснаар давсан орлогыг Сангийн сайдын шийдвэрээр хуваарилдаг. Энэ дагуу улсын төсөвт дарамт учруулахгүйгээр Сангийн сайд хүсэлт гаргадаг. Сангийн сайдын 2017 оны тушаалаар Шүүхийн шийдвэр гүйцэтгэх байгууллага хүсэлтээ ирүүлсэн. Холбогдох газар нь хянаад дэмжсэн учраас Сангийн яаманд хүргүүлсэн. Тэр дагуу Сангийн сайдын тушаал гарсан.
Давсан орлогоосоо тэдэн төгрөгийг зарцуулж болно гэдэг. Хуулийн дагуу шүүхийн шийдвэрээс дахиж хүсэлтээ ирүүлсний дагуу Төрийн өмчийн бодлого зохицуулалтын газарт тавьсан. Тус газрын хурлаар хэлэлцээд тогтоол гаргасан. Тоо төрөл, үнийн дээд хэмжээг нь тогтоосон. Тус бүр болон нийт үнийг нь 1.5 тэрбум төгрөгийн хязгаар тогтоосон. 2017 оны 364 дүгээр тогтоол.
Тэгсэн хэдий ч дуртай үнээрээ худалдаж авах боломжгүй. Шүүхийн шийдвэр даргын тушаалаар Үнэлгээний хороо байгуулсан. Яам, газрын болон хөндлөнгийн хүмүүсийн төлөөллийг оролцуулсан. Үнэлгээний хорооноос холбогдох санал ирүүлсэн. Туулах чадвар сайтай LX-570 автомашиныг 360 саяар “Лотус майнинг”, приус маркийн автомашиныг 19 сая төгрөг зэргээр Үнэлгээний хорооны гишүүд нь хуралдаад шүүхийн шийдвэрийн даргад зөвлөмжөө хүргүүлсэн. Холбогдох тушаал гаргаж, гэрээ байгуулан автомашинаа нийлүүлсэн. Хэвлэлээр яваад байгаа бичлэгт Мөнхбат гэдэг хүн гэрээ хийж, “LX-570” маркийн автомашин шахсан гэж. Тухайн машины арлын дугаар нь давтагдашгүй юм билээ. Өөрөөр хэлбэл, хэвлэлээр яваад байгаа автомашин Хууль зүйн яамтай огт хамаагүй. Холбогдох газраас нь тодруулахад тийм арлын дугаартай машин Монгол Улсын хилээр орж ирээгүй гэдгийг Гаалийн байгууллага мэдэгдсэн. Хууль зүй, дотоод хэргийн яам, харьяа агентлагтайгаа хамтран хар тамхины сүлжээ хийдэг компанитай гэрээ хийсэн асуудал байхгүй. Тухайн байгууллагын захирал нь хуулийн байгууллагад хандсан байна лээ. Компанийн нэр хүндэд халдлаа гэсэн асуудлаар. Ном журмынх нь дагуу шалгаж тогтоох байх. Түүнд нь бид хөндлөнгөөс оролцох асуудал байхгүй" гэлээ.
Мөн "Допинг илэрсэн хоёр бөхийн нэг нь Б сорьцоо өгсөн. Нөгөө бөх нь буюу ес давж, түрүүлсэн Э.Оюунболд хүлээн зөвшөөрөөгүй. Тиймээс нэрийг нь зарласан. Дараагийн шатанд яаж явах вэ гэхээр салбар өөрийнхөө төвшинд шийдвэр гаргана. Тэр дагуу тухайн бөхийн барилдах эрхийг хоёр жилээр хасах. Давсан давааг нь хүчингүйд тооцох. Бусад бөхөд цол чимгийг нь олгоно. Журмаа явах юм бол таваас дээш даваанд допинг хэрэглэсэн бөхөд өвдөг шороодсон бол давсанд тооцно. Тэр журмынхаа дагуу санал, хүсэлтээ хүргүүлнэ. Цол олгох, хураах асуудлыг Ерөнхийлөгч шийднэ. Бидний хувьд саналаа уламжилна" гэв.
Сэтгэгдэл (4)