Бэлгийн хүчирхийллийн улмаас жирэмсэлсэн охин нярайлжээ. Тэрбээр хүчирхийлэлд өртсөнийхөө дараа “Үжин” төвийн хамгаалалтад ирж, хүүхдээ төрүүлсэн байна.

Энэ талаар “Үжин” төвийн зөвлөх Д.Ундраа “Охин эсэн мэнд амаржлаа. Гэвч хуулийн зарим зүйл заалтын олон асуудал гарч ирж байна. Тухайлбал, хүчирхийлэлд өртсөн охины хүүхдийг хэнээр овоглуулах асуудал гарч байгаа юм. Мөн хүсээд ч хүүхэдтэй болж чадахгүй байгаа залуу гэр бүлд өргүүлье гэхэд эсвэл өргүүлэхгүй байя гэвэл яах вэ. Хүүхэд өсөхийн хэрээр зардал нэмэгдэнэ. Тэтгэлгийн асуудлыг яах вэ. Тиймээс Гэр бүлийн тухай хууль дээр байдаггүй зохицуулалт шаардлагатай олон зүйлийг их хэрэгтэй. Тухайн амаржсан ээж насанд хүрээгүй учраас түүний эцэг эх, эмээ өвөө, асран хамгаалагч нь зөвшөөрсөн тохиолдолд хүүхдийг залуу гэр бүлд өргүүлэх боломжтой гэсэн” юм.

Ингээд “Үжин” төвболон Гэр бүл, хүүхэд залуучуудын хөгжлийн нар хамтран хүүхдийг өргүүлэх залуу гэр бүл хайж эхэлсэн аж.

2018 оны байдлаар улсын хэмжээнд нийт 230 хүүхэд бэлгийн хүчирхийллийн хохирогч болсноос дийлэнх нь төрсөн эцэг, хойт эцэг, хамаатан садан, эцэг эхийн найзуудад хүчирхийлүүлсэн байна. Үүний 12 хувь нь бэлгийн хүчирхийлэлд өртсөн байхад дөнгөж гуравны нэг нь л хуулийн байгууллагаар шалгагддаг гэсэн судалгаа гарчээ. Эндээс үзвэл манай улс хөшигний цаана үйлдэгдэж байгаа гэмт хэрэг, харгислагчдад өгөх хариуцлагыг чангаруулах зэрэг ажил үгүйлэгдэж байгааг харуулж байна.