Үндэсний эрх чөлөө, тусгаар тогтнолоо сэргээсний баярын өдрийг тохиолдуулан эрхэлсэн ажил албандаа амжилт гаргасан зарим алба хаагчдад цол олголоо.

Тодруулбал, дэд хурандаа цолоор ОБЕГ-ын Гамшгийн шуурхай удирдлагын газрын Эрүүл мэнд, сэтгэл зүйн тасгийн дарга, хошууч Д.Хонгор, Гал түймэртэй тэмцэх газрын Барилгын зураг төсөл, хяналтын тасгийн дарга, хошууч Ч.Отгонтөгс, НОБГ-ын Төрийн ордон болон тусгай обьектуудыг гамшгаас хамгаалах тасгийн дарга, ахлах байцаагч, хошууч Д.Одонбаяр,Хан-Уул дүүргийн Онцгой байдлын хэлтсийн Гал түймэр унтраах, аврах 30 дугаар ангийн захирагч, хошууч Т.Батжаргал нарыг шагналаа.

Хошууч  цолоор “Аврагч” биеийн тамир, техник-спорт хорооны нягтлан бодогч, ахмад Д.Мөнхцэцэг, Ахмад цолоор ОБЕГ-ын Гамшгаас урьдчилан сэргийлэх газрын сурталчилгаа, олон нийттэй харилцах асуудал хариуцсан ахлах мэргэжилтэн, ахлах дэслэгч Ш.Анхтуяа, Үндэсний аврах бригадын Уул уурхайн аврах ангийн хөдөлмөрийн аюулгүй байдал, эрүүл ахуйн инженер-гамшгаас хамгаалах улсын хяналтын байцаагч, ахлах дэслэгч Г.Цэрэндэндэв нарын таван алба хаагчийг шалгаруулжээ. 

Мөн Ахлах дэслэгч цолоор НОБГ-ын Гамшгийн шуурхай удирдлага, зарлан мэдээллийн төвийн удирдлага зохицуулалтын асуудал хариуцсан мэргэжилтэн, дэслэгч Г.Сайнзул нарын хоёр алба хаагч, Дэслэгч цолоор, НОБГ-ын Аврах анги-105-ын бүлгийн дарга-аврах ажиллагааны зааварлагч, ахлах ахлагч Ц.Наранбаатар, мөн ангийн бүлгийн дарга-аврах ажиллагааны зааварлагч, ахлах ахлагч Т.Түвшинбаатар, Үндэсний аврах бригадын Уул уурхайн аврах ангийн Аврах салбарын аврах бүлгийн дарга, ахлагч Б.Алтангэрэл нарын 13 алба хаагч, Дэд ахлагч цолоор НОБГ-ын Сонгинохайрхан дүүргийн ОБХ-ийн Гал түймэр унтраах, аврах 26 дугаар ангийн нярав З.Мөнхцэцэг нарын гурван алба хаагчийг шагналаа гэж Онцгой байдлын ерөнхий газраас мэдээллээ.