БСШУС-ын сайд Ё.Баатарбилэг Боловсролын зээлийн сангийн асуудлаар мэдээлэл хийлээ.

Тэрбээр “1993 онд Сургалтын төрийн сан байгуулагдсан. Зорилго нь амьжиргааны баталгаажих орлогоос доогуур орлоготой өрхийн өнчин, амьдралын боломж муутай, төлбөрөө өөрөө төлөх боломжгүй 12 дугаар ангиа амжилттай төгссөн хүүхдүүдийг төрөөс төлбөрийг нь зээлээр олгож сургаж төгсгөдөг. Энэ хугацаанд хоёр удаа зээлийн сангийн журмаар зээл аваад сураад амжилттай төгссөн оюутнуудын дипломыг буцааж олгох асуудал хоёр удаа шийдэгдсэн.

Оюутнууд зээл авахдаа гэрээ байгуулдаг. Их сургуулиа төгсөөд таван жил эх орондоо мэргэжлээрээ ажиллаж, нийгмийн даатгал төлсөн байх зэрэг олон талын үүргийг гэрээгээр хүлээдэг. Гэрээгээ биелүүлээгүй бол зээлийг эргэн төлүүлэх асуудал яригддаг.

Мөн зээлээр сурсан иргэн нас барсан, хөдөлмөрийн чадваргүй болсон зэрэг олон шалтгаан байж болно.

2008-2016 оны хооронд суралцаж төгсөөд зээлийнхээ гэрээгээр хүлээсэн үүргээ биелүүлсэн, дотоолдын их, дээд сургуульд суралцсан олон оюутны диплом Боловсролын зээлийн санд хадгалагдаж байна. Төгсөгчид дипломоо нотариатаар баталгаажуулж ажил олгогчдоо өгөх байдлаар явдаг. Үе үеийн пардаментаас сурлагын чанар сайтай, амьжиргааны баталгаажих түвшнээс доогуур орлоготой өрхийн болон өнчин хүүхдүүдэд зээл олгосоор ирсэн. Улмаар 2016 оноос оюутны хөгжлийн зээл болсон.

Гэрээний үүргээ биелүүлсэн иргэдийн дипломыг төр буцааж олгох ёстой. ЖДҮХС-ийн зээл гэдэг шиг бусад зээлтэй хольж, андуурч болохгүй” гэлээ.

Б.Лхам