УИХ-ын өнөөдрийн чуулганаар Үндсэн хуулийн цэцийн 12 дугаар дүгнэлтийг сонслоо. Цэцээс УИХ-ын 2020 оны нэгдүгээр сарын 10-ны өдөр баталсан Эрүүгийн хуульд нэмэлт, өөрчлөлт оруулах тухай хуулийг дагаж мөрдөх журмын тухай хууль нь Үндсэн хуулийн холбогдох журмыг зөрчсөн гэж үзэн түдгэлзүүлжээ. Уг асуудлаар УИХ дахь Хууль зүйн байнгын хороо хэлэлцэж, Цэцийн дүгнэлтийг хүлэн авах боломжгүй гэж үзжээ. Байнгын хорооны дүгнэлттэй холбогдуулан гишүүд асуулт асууж байна.
Д.Пүрэвдорж: Авлига, албан тушаалын гэмт хэрэгтнүүд Цэцийн дүгнэлтийн дагуу савирч, ялаас зугтана. Энэ төрлийн гэмт хэрэг хожим илэрдэг. Нотлоход хүндрэлтэй, удаан байдаг. Тиймээс АТГ дээр байгаа шалгагдаж байгаа хэргүүдийн 90 хувь нь байхгүй болно.
Дээр нь 2017 оны долдугаар сарын 1-ээс хойш 2020 оны нэгдүгээр сарын 10 хүртэл 800 гаруй гэмт хэрэг хэрэгсэхгүй болж, 1500 гаруй гэмт хэрэгтэн ял завшсан.
Түүнчлэн 2020 оны нэгдүгээр сарын 10-аас хойш 400 гаруй гэмт хэрэг, түүнд холбогдох 700 гаруй гэмт хэрэгтэн Цэцийн дүгнэлтийг хүлээгээд хуулийн байгууллага дээр байж байна. Үүний үр дүнд нийт 3.8 их наядын хохирол учирсан.
Ийм будлиантай зүйлүүд хийсэн юм. Цэцийн шийдвэр гардгаараа гарна. Харин ийм дүгнэлт хийлээ гэж гоншигнохгүй шүү. Х.Нямбаатар үүнийг санаатай хийсэн. Одоо авлига хийсэн хүмүүс нь ажиллаж байгаа. Төлөгөн коммунист авлиган коммунистаа ялаас чөлөөллөө баяр хүргэе” гэлээ.
Б.Лхам
