УИХ-ын чуулганаар Шүүхийн тухай хуулийн хэлэлцүүлгийг хийж байна. Ажлын хэсгийнхэн гишүүдийн асуултад хариулсныг хүргэе.

С.Амарсайхан: Шүүгчийн алдаа, зөрчлөөс үүдэн хүн, хуулийн этгээдэд учирсан хохирлыг төр хариуцна гэдэг сонин заалт явж байгаа. Ямар учраас ийм заалт оруулж байгаа юм бэ. Тийм бол шүүгчийн хариуцлагын асуудлыг ярих шаардлагагүй болж байна.

Хоёрдугаарт, хууль, шүүх шударга ёсны шүүлтүүр болсон шүүхийн хараат бус байдал алдагдсантай бүгд санал нийлж байгаа. Шүүхийн хуулийн үг, үсэг, заалт бүхэн тодорхой байх ёстой.

Жишээ нь, Үндсэн хуульд УИХ шүүгчид нэр дэвшигчидтэй танилцах сонсгол хийнэ. Хэрэв хийхгүй бол ШЕЗ-ийн дарга Ерөнхийлөгчид бичгээр хүргүүлнэ гэсэн хоёр салаа утгатай заалт байна.

Үндсэн хуульд заасан л бол 90 хоногийн дотор сонсох ёстой. Энэ заалт өөрчлөгдөхгүйгээр явах нь зөв үү.

Гуравдугаарт, Сахилгын хороо гэдэг байгууллага Үндсэн хуулиар бий болж байгаа. Хариуцлага алдсан шүүгчдэд авах хариуцлага нарийн болж байгаа. Ингэхдээ Сахилгын хорооны гишүүд болон тэнд хяналт тавих ШЕЗ тэдгээрийн харилцан хамаарлыг сайжруулах шаардлагатай байна.

Б.Энхбаяр: Үндсэн хуульд байгаа заалт учраас шүүгчид нэр дэвшигчидтэй танилцах асуудлыг тодорхой болгохоор оруулж ирсэн. Гишүүд танилцах гээд байгаа хэрэг биш. УИХ-аар дамжуулж иргэдэд танилцуулж байгаа юм. Ийм хүн УДШ-д нэр дэвшиж байгаа юм байна шүү гэж. УИХ 90 хоногийн дотор танилцах ёстой. Ингэснээр УИХ-даа шаардлага тавьсан зохицуулалт юм.

Б.Лхам