Монголын бурхан шашинтны шинэ төвийн тэргүүн, Монголын их хүрээ хийдийн зурхайч З.Санждорж гарч буй үхэр жилд бүсгүй хүн Төрийн тэргүүн болно хэмээн айлджээ. Тэрбээр  XYII жарны тогтворгүй хэмээх Цагаагчин үхэр жилийн ерөнхий төлөв байдлын талаар айлдахдаа “Төрийн төмөр хайрцагны судар гэж бий. Сударт Цагаагчин үхэр жилд эмэгтэй хүнх төрийн эрх барина гэж айлдсан. Энэ нь билгийн чанарыг эрхэмлэж, хүний ертөнцийг идэвхтэй өөрчлөн байгуулах цаг болж гэдгийг та бидэнд сануулж байгаа юм. Хүссэн, хүсээгүй  Англи, Герман, Португали, Швед, Өмнөд Солонгос, Тайван зэрэг орны төрийн эрх мэдлийг эмэгтэй хүн барьж байгаагаас гадна Араб дахинд эмэгтэйчүүдийн эрх мэдэл улам өсөж, энэ оноос эхлэн монгол төдийгүй Азийн олон улс төрийн тэргүүнээр бүсгүй хүнийг залах болно” хэмээжээ.

Зурхайчийн энэхүү айлдвар олон бүсгүйг нойргүй хонуулж эхэлсэн байна. Учир нь, УИХ-ын гишүүн асан, АН-ын ҮБХ-ны гишүүн Ц.Оюунгэрэл  Монгол Улсын Ерөнхийлөгчийн сонгуульд өрсөлдөхөө албан ёсоор мэдэгдсэн. Түүнээс өөр нэр дэвшихээ мэдэгдсэн бүсгүй өнөөдрийн байдлаар байхгүй юм.

Харин өдгөө эргэлзэж байсан олон бүсгүйчүүд зориг орж, нэр дэвшихээ ар араасаа мэдэгдэх буй заа. Элдэв илүү зардал, төсөв хөрөнгө гаргахгүйн тулд намууд эмэгтэйчүүдээ сойж, харин Л.Гүндалайгаас эхлүүлээд Төрийн тэргүүнд өрсөлдөхөө мэдэгдсэн эрчүүд эртхэн бууж өгсөн нь дээр болох нь.

У.Тэргэл