Эрүүл мэндийн яамны 11.00 цагийн ээлжит мэдээллийн Засгийн газрын хэвлэлийн албанаас мэдээлэхээр болсон.

Энэ үеэр Эрүүл мэндийн сайд С.Энхболд зарим мэдээллийг өглөө. Тэрбээр “Өнөөдрийн байдлаар “нэг өрх-нэг хүн” шинжилгээнд 80 гаруй мянган өрх хамрагдсан байна. Зарим иргэдийн зүгээс шинжилгээний хариу удаж гарч байна гэсэн шүүмжлэл байна.

Лаораториуд ачаалал ихтэй ажиллаж байгаа учраас иргэдээсээ ойлгоосой хүсэж байна.

Дээрх аяны хүрээнд 1900 эрүүл мэндийн ажилтан ажиллаж байна. Сар шинийн баярын өдөр ч тэд маань бүрэн бүрэлдэхүүнээрээ ажиллаж байна” гэлээ.

Ташрамд дурдахад хөл хорионы эхний гурван өдөр эрсдэл өндөр байгаа дүүргийн өрхүүдийг шинжилгээнд хамруулах бөгөөд өнөөдөр зургаан дүүргийн иргэдээс хөдөлгөөнт болон суурин хэлбэрээр шинжилгээ авах аж. 

А.Сүх