УИХ-ын чуулганаар Коронавируст халдвар /КОВИД-19/-ын цар тахлаас урьдчилан сэргийлэх, тэмцэх, нийгэм, эдийн засагт үзүүлэх сөрөг нөлөөллийг бууруулах тухай хуульд нэмэлт, өөрчлөлт оруулах тухай хуулийн төслийг хэлэлцэж байна. 

УУХҮ-ийн сайд Г.Ёндон: Иргэд АИ-92 шатахуун түлхүү хэрэглэдэг. Тус шатахууны үнийг сүүлийн жил гаруй хугацаанд 1450 төгрөгт барьж ирсэн. Өнгөрсөн нэг сараас олон улсад шатахууны үнэ нэмэгдэж, манай улсын шатахуун тээвэрлэлтийн компаниуд  алдагдалтай ажиллаж өнөөдрийг хүрлээ.

Энэ хугацаанд шатахуун тээвэрлэлтийн компаниудтай хэд хэдэн удаагийн хэлэлцээр хийж, иргэдийн амьжиргааны түвшин хүнд байгаа цаг үед шатахууны үнэ нэмэхгүй байхаар тохирсон.

Тус хэлэлцээрт коронавирусийн дархлаажуулалт 60 хувьд хүрээд, халдвар аажим аажмаар багасах үед буюу долоодугаар сарын 1-ний өдрөөс шатахууны үнээ үе шаттай нэмэхээр тусгасан. 

Өнөөдөр дархлаажуулалт 60 хувьд хүрсэн болохоор шатахуун тээвэрлэлтийн компаниуд шатахууны үнээ нэмэхийг шаардаж байна” гэлээ.

Б.Баатар