“ХӨСҮТ”-ийн А.Амбасэлмаа гэдгээрээ танигдсан Эрүүлийг хамгаалахын гавьяат ажилтан тэрбээр "АСА станц" шууд нэвтрүүлэгт оролцож, цаг үеийн нөхцөл байдалтай холбоотойгоор байр сууриа илэрхийллээ. Энэ үеэр “Цар тахал тодорхой үе шаттай явдаг. Манай улс бүхий л үе шатыг дамжиж байна. Халдвар тархсан ямар ч тохиолдолд хүн төрөлхтөн вакциныг эрэлхийлдэг.

Тохиолдлын тоог бууруулж байж л өвдөлт, хүндрэлт, нас баралт буурна. Тоо буурахтай зэрэгцээд хүндрэл нас баралт дагаад буурдаг. Цар тахал анх дэгдэж байхад гурван саяулаа тэмцэнэ шүү, хохирол багатай давна шүү гэж хэлж л байсан. Эв нэгдэл хэрэгтэй болсон нь энэ өргөн тархалтын үед ажиглагдаж байна. Мөн гадаадаас эх орондоо ирж байгаа иргэдийг долоо хоног зочид буудалд, долоо хоног гэрт нь тусгаарлана гэдэгтээ би санал нийлэхгүй байгаа. 14 хоног буудалд тусгаарлах хэрэгтэй. Мутацад орсон вирус тээгээд ирсэн байхвий гэдгээс болгоомжлох хэрэгтэй” гэлээ.