"Эрдэнэт"-ийн захирал Х.Бадамсүрэн Ардын хувьсгалын 100 жилийн ойгоор "Баатар" цол аваад ажлаа өгнө гэсэн мэдээлэл байсан. Гэвч У.Хүрэлсүх Ерөнхийлөгч болоод сая өнгөрсөн 100 жилийн ойгоор Х.Бадамсүрэнд бус "Эрдэнэт" үйлдвэрт "Баатар" цолоор шагнав. Улмаар Х.Бадамсүрэн хөдөлж магадгүй гэх мэдээлэл яригдаад эхэллээ.

Х.Бадамсүрэнгийн оронд ТӨБЗГ-ын дарга Б.Цэнгэл "Эрдэнэт" үйлдвэрийн захирлаар очих бололтой. Б.Цэнгэлийн хувьд Ерөнхийлөгч У.Хүрэлсүхийн хүн гэгддэг. Тэрээр 1968 онд төрсөн. 1985 онд Дархан хотын 3 дугаар 10 жилийн дунд сургууль, 1990 онд хуучнаар ЗХУ-д Иванаво хотын Улсын Их сургуулийг Эрх зүйч мэргэжлээр, 2001 онд Удирдлагын академийг Удирдахуйн ухааны магистраар тус тус төгссөн.

Б.Цэнгэл нь 1990-1992 онд Дархан хотын Ардын шүүхэд нарийн бичгийн дарга,

1992-1996 онд Нийслэлийн Иргэдийн Төлөөлөгчдийн хуралд Зохион байгуулагч,

1997-1998 онд Нийслэлийн Иргэдийн Төлөөлөгчдийн хурлын ажлын албанд Хуулийн зөвлөх,

2000 онд Шүүхийн ерөнхий зөвлөлд менежер,

2001 онд ГЕГ-ын харьяа Нефть, онцгой албан татварын гаалийн газарт албаны дарга,

2001-2002 онд Гаалийн ерөнхий газрын Хяналтын шуурхай албаны дарга,

2002-2003 онд Гаалийн ерөнхий газрын Хууль тогтоомжийн зөрчилтэй тэмцэх хэлтэст Гаалийн улсын ахлах байцаагч,

2003-2006 онд Улаанбаатар дахь Гаалийн газарт Орлогч дарга,

2006-2008 онд Замын-Үүд дэх Гаалийн газрын дарга,

2008-2009 онд Зам, тээвэр аялал жуулчлалын яамны харьяа Тээврийн үйлчилгээний төвийн захирал, 2009-2011 онд Засгийн газрын хэрэгжүүлэгч агентлаг, Авто тээврийн газрын дарга,

2012 онд Зам, тээвэр барилга хот байгуулалтын дэд сайд,

2013-2015 онд МАН-ын Удирдах зөвлөл, Ерөнхий нарийн бичгийн даргын ахлах зөвлөх,

2015 онд Гаалийн ерөнхий газрын даргын албан үүргийг тус тус гүйцэтгэж иржээ. Улмаар 2017 оноос эхлэн “Монголын төмөр зам” ТӨХК-ийн Гүйцэтгэх захирлаар ажиллаж байгаад 2020 оны УИХ-ын сонгуулийн дараа ТӨБЗГ-ын даргаар томилогдсон юм.

С.Сүлд