Монгол Улсын Консерваторийн хашаанд Боловсролын үнэлгээний төв барихаар болсныг багш, оюутнууд эсэргүүцэж буй. Эл асуудлаар өчигдөр Боловсрол шинжлэх ухааны сайд Л.Энх-Амгалан мэдэгдэл хийхдээ “Консерватори бол газрыг эзэмшигч, өмчлөгч биш. Боловсролын яам өмчлөгч нь. Яамны нэрийн өмнөөс 20-30 жилийн хугацаатай эзэмшдэг” хэмээсэн. Тэгвэл салбарын сайдын энэ мэдэгдэлтэй холбогдуулан Консерваторийн Түр хорооноос мэдээлэл өгч, яам газар өмчлөх хууль байхгүй тул Л.Энх-Амгалан сайд худал ярьсан болохыг мэдээлэв. Тэдний байр суурийг хүргэж байна.
| Л.ЭНХ-АМГАЛАН: КОНСЕРВАТОР БОЛ ГАЗРЫГ ЭЗЭМШИГЧ БОЛОХООС ӨМЧЛӨГЧ БИШ. БОЛОВСРОЛЫН ЯАМ ӨМЧЛӨГЧ НЬ
Монгол Улсын Консерваторийг цаашдаа кампус хэлбэрээр хөгжүүлье гэсэн ерөнхий төлөвлөгөө хийсэн. Одоогийн Консерваторийн ашиглалтын хугацаа нь дууссан 650 хүүхдийн сургуулиудыг шинээр барих, зориулалтын концертын, спортын заал барих, дотуур байрыг өргөтгөж, номын сан, багш нарын хөгжлийн төв барихаар ерөнхий макетыг хийсэн. Нийслэлийн Засаг даргын захирамжаар үүнийг нь баталж, ажлууд эхэлсэн. Та бүхний эсэргүүцээд буй газар дээр Монгол Улсын циркийн сургуулийг барих макеттай байсан. Циркийн сургууль Дашчойлин хийдийн газраа Монголын ахмад циркчдийн холбоо гэх хувьд хүнд алдсан. Тиймээс тэр газарт циркийн сургууль барих тохиролцоонд хүрсэн. Янз бүрийн санаа зорилготой Консеваторийн өргөтгөлийг буруугаар ойлгуулж, өдөөн турхирсан гэж бид харж байна. Ямар ч байсан дундаасаа ажлын хэсэг гаргаад хуулийн хүрээнд тодотгоё гэсэн шийдэлд хүрлээ. Консерватор бол газрыг эзэмшигч болохоос өмчлөгч биш. Боловсролын яам өмчлөгч нь. Яамны нэрийн өмнөөс 20-30 жилийн хугацаатай эзэмшдэг. Бусдад алдсан байсан 0.6 га газрыг буцаан авчраад дөнгөж 0.1 га газарт нь Боловсролын үнэлгээний төв, Боловсролын мэдээллийн төвийг барихаар төлөвлөж, улсын төсөвд суулгасан. |
М.ЗОРИГТ: ЯАМ ГАЗАР ӨМЧЛӨХ ХУУЛЬ БАЙХГҮЙ ТУЛ Л.ЭНХ-АМГАЛАН САЙД ХУДАЛ ЯРЬСАН Боловсрол шинжлэх ухааны сайд Л.Энх-Амгалан бидний эсэргүүцлийг улс төрийн захиалгат гэж хэлснийг та бүхэн мэднэ. Бидэнд ямар нэгэн улс төрийн зорилго байхгүй. Хамгийн гол нь зориулалтын газарт нь зориулалтын барилгаа барихыг л шаардаж байна. Тиймээс Боловсролын үнэлгээний төвийн барилга барих нэрийдлээр газрын наймаа хийхийг эсэргүүцэж байгаа юм. Боловсро лын үнэлгээний төв баригдсанаар хүүхдүүд гишгэх газаргүй, машинд дайруулбал яах вэ? Л.Энх-Амгалан сайдын хэлснээр 0.5 га хүрэхгүй газарт л Боловсролын үнэлгээний төвийг бари на. Гэвч зураг төсөлтэйгээ зөрж байна. Төслийн зурагнаас харвал маш том барилга. Мөн Л.Энх-Амгалан сайд “Консерватори бол газрыг эзэ мшигч, өмчлөгч биш. Боловсролын яам өмчлөгч нь” гэж хэлсэн. Олон нийт төрийн мэдлийн газрыг л эзэмшигч сургууль булаацалдаж эсэргүүцэж байна гэж ойлгохоор байгаа юм. Уучлаарай, Үндсэн хууль болон Төрийн болон Орон нутгийн тухай хуульд яамдын өмчлөлд газар байна гэсэн заалт байхгүй. Үүнийг ноцтой зөрчсөн.
|
|---|
Сэтгэгдэл (10)