Нийслэлийн Чингэлтэй дүүргийн 17 дугаар хороо Зүрх ууланд төөрсөн хөгжлийн бэрхшээлтэй иргэнийг өнөөдрийг хүртэл эрэн хайж байна. Тодруулбал, тус дуудлага долдугаар сарын 19-ний өдөр Онцгой байдлын газарт бүртгэгдсэн байдаг.

Дуудлагын дагуу Чингэлтэй дүүргийн харьяат, хөгжлийн бэрхшээлтэй 32 настай иргэн Н-г тус дүүргийн Онцгой байдлын хэлтсийн Гал түймэр унтраах, аврах 10 дугаар анги, Сонгинохайрхан дүүргийн Онцгой байдлын хэлтсийн Гал түймэр унтраах 11 дүгээр анги, 26 дугаар анги, 29 дүгээр анги, Сүхбаатар дүүргийн Онцгой байдлын хэлтсийн Гал түймэр унтраах, аврах 34 дүгээр анги, 74 дүгээр анги, Нийслэлийн Цагдаагийн удирдах газрын алба хаагчид нийслэлийн нийслэлийн Чингэлтэй дүүргийн 17, 19 дүгээр хорооны “Зүрх-уул, “Цогтын-Ам”, “Яргайтын-Ам”, “Яргайтын богины-Ам”, “Жигжидийн-Ам”, “Гүнтийн-Ам” зэрэг газруудаар эрэн хайх ажиллагааг зохион байгуулсан байна. Гэвч эрэн хайх ажиллагаа одоо хүртэл үр дүнд хүрээгүй байна.

Өнгөрөгч долоодугаар сарын 24, 25-ны өдөр эрэн хайх ажиллагаа явагдаагүй бөгөөд өнөөдөр эрэн хайх ажиллагааг дахин эхлүүлжээ.