Чингэлтэй дүүргийн эргүүлийн хоёр цагдаа бусдыг гавлаж байгаад хэрцгийгээр зодож танхайрсан явдал нийгмийн бухимдуулж, олон хүн үзэл бодлоо илэрхийлсээр байгаа. Гэвч тэднээс салбарынх нь сайд болох Х.Нямбаатар өөрийн цахим хуудсаараа дамжуулан  “арьсаа” хамгаалсан мэдэгдэл хийсэн нь асуудлыг улам дэвэргээд байна.

Хүний эрх, хүнлэг нийгмийн асуудлыг хөндөж байхад хуулийн салбарынх нь сайд надад огт хамаагүй. Намайг сайд болохоос өмнөх явдал шүү хэмээн яаран мэдэгдэж, асуудлаас өөрийгөө авч гарах гэж хичээж буй нь олны дургүйцлийг хүргээд байна.

Түүний оронд хуулийн салбар толгойлж байгаагийн хувьд өмнө ч, өдгөө ч болсон эрүүдэн шүүлтийн төлөө уучлалт хүсч, ийм явдал давтан гаргуулахгүйн тулд ажиллахаа хэлэх ёстой байв.

Харамсалтай нь, тэрбээр  миний хувьд хүний эрхийг дээдэлж, хүнлэг энэрэнгүй байхыг сургаж ирсэн. Гэвч сайд болохоос өмнө ийм явдал болсонд намайг холбогдуулж, нийгмийг бухимдуулсанд уучлал хүсье гэлээ. Ингэж л асуудлыг хардаг сайдтай юм, хуулийн салбар өөдлөн дэвжих бус уруудан доройтох нь аргагүй гэлтэй.   

У.Тэргэл