Иргэд шатахууны үнийн өсөлт өрхийн амьжиргаанд асар их нөлөөлж байгаа талаар эсэргүүцэж Төрийн ордны гадна жагсаж байна. Иргэдийн зүгээс стратегийн ач холбогдол бүхий шатахууны үнийг тогтворжуулж, зохицуулалт хийхийг хүслээ. 

Нийслэлийн Хан-Уул дүүрэгт Иргэдийн хурлын төлөөлөгч Б.Жагар “Шатахуун жижиглэнгийн үнээр 1380 төгрөгөөр орж ирж байна. Улмаар татан авалт, ажилчдынхаа цалинг нэмж тооцвол 1600 төгрөгөнд орж ирж байна гэсэн үг. Шатахууныг 1400 төгрөгөнд барихын тулд 5000 даргын жийпийг зараад, мөн дарга нарын цай кофе, сандал ширээгээ жил бүр сольдог, нууц амрагуудаа зөөдөг шатахууны мөнгийг хасаад 3 их наяд төгрөг хэмнэх боломжтой.

Өнөөдөр Засгийн газрын авто баазыг татан буулга гээд байгаагийн цаад шалтгаан нь дарга нарын Тэрэлж рүү нууц амрагийг нь зөөдөг алба болсон учраас тэр юм.

Дээр нь иргэдийн татварын мөнгөөр сэлбэг авах нэрийдлээр мөнгө угаадаг. 5000 даргыг жаргаахын тулд 3 сая Монголчууд мөлхөж байна. Монголын ард түмэн банк, боол биш шүү” гэлээ.

А.Сүх