"Гүтгүүлсэн" нэр төрөө сэргээлгэхэр С.Цэвээн "Саарал" ордны гадна суулт зарлаад 53 хонолоо. Тэрбээр цэргийн албанд 27 жил ажиллаад албан үүргээ гүйцэтгэж яваад онгоцны ослоор амиа алдсан нөхрийнх нь ар гэрт юу ч өгөөгүй атал тухайн үеийн ханшаар 700 мянган төгрөгийн тэтгэмж олгосон гэх баримт дэлгэгдэж, улмаар буурай нэр төрөө сэргээлгэхээр суулт хийгээд буй талаар бид өмнө нь мэдээлж байсан.

Тэрбээр халуунд халж, хүйтэнд даарсаар биеийн байдал нь улам дордож, сульдсан байна лээ.

Монгол Улсын иргэний амь нас дээсэн дөрөөн дээр байхад Хүний эрхийн үндэсний комисс нь ч таг, Төрийн ордны эрхмүүдээс ч таг.

Түүний төлөө санаа зовж байгаа хүн нэгээхэн ч байхгүй байгаа нь харамсалтай.  

"Шударга бусын хонгил" ярьсаар иргэдийн ивээлийг хүртэж албан тушаалд "тухалсан" "гарын таван хуруу" гишүүд хаачив. Эмэгтэйчүүдийн эрхийн төлөө хамгийн түрүүнд ам нээж, дуу хоолойгоо хүргэх ёстой "13 эмэгтэй" бас хаачив.

Иргэнийхээ амь насыг уландаа гишгэж байгаа төр, "амь"-гүй ХЭҮК-той болжээ Монголчууд. С.Цэвээнд гараа сунгаж, нурууг нь тэнийлгэх "чансаатай" улстөрч "Саарал" ордонд байхгүй юу?

А.Сүх