Өвөрхангай аймагт цол, чимэг олгох үндэсний бөхийн барилдаан боллоо. Өвөрхангай аймаг байгуулагдсаны 90 жилийн ойн барилдаанд аймгийн арслан Оюунгэрэлийн Наранбаатар түрүүлж, хурц чимэг хүртэж, аймгийн начин Б.Бямбадорж үзүүрлэн заан цолны болзол хангалаа. Шөвгөрч цол, чимэг хүртсэн бөхчүүдийг эрэмбэд оруулахыг МҮБХ эцэслэн шийдэх юм.
 

Хэд хоногийн өмнө УОК-оос аймгуудад барилдаан зохион байгуулахыг хориглосон юм. Мөн тус аймгийн Засаг дарга А.Ишдорж баяр наадам тэмдэглэхгүй байхыг уриалсан анхны Засаг дарга байсан ба наадамтай холбоотой төсвөө эрүүл мэндийн ажилчдыг урамшуулна гэж хэлсэн.

Түүнлчлэн эрүүл байвал ирэх жилийн наадмыг үзнэ, энэ жилдээ бид ковидгүй хичээл сургуулиа цаг хугацаанд нь эхлүүлээд, бүтээлч ажлаар аймаг байгуулагдсан түүхт 90 жилийн ойгоо өнгөрүүлчихвэл ирэх жил бүх нийтээрээ эрүүл саруул Ардын хувьсгалын 101, аймаг байгуулагдсаны 91 жилийн ойн баяр наадмаа уламжлалт ёсоороо өргөн дэлгэр тэмдэглэх боломжтой гэж хэлж байсан билээ.

Б.Жаргал