Монгол Улсад НҮБ-ийн есдэх Ернөхий нарийн бичгийн дарга Антонио Гутерреш айлчилж байгаа билээ. Түүний айлчлал энэ сарын 8-11-ны өдрүүдэд үргэлжилнэ. Тэрбээр Монгол Улсад айлчилж байгаа тав дахь Ерөнхий нарийн бичгийн дарга юм. Ингээд та бүхэнд Антонио Гутеррешийн талаар танилцуулж байна. 

Антонио Мануэл де Оливейра Гутерреш нь 1949 оны дөрөвдүгээр сарын 30-нд Португал улсын Лиссабон хотод төрсөн. 2017 оны нэгдүгээр сарын 1-нээс НҮБ-ын Ерөнхий нарийн бичгийн даргаар ажиллаж буй,  Португалын улс төрч, дипломатч хүн юм.

Хувийн намтраас танилцуулбал,

• 1995-2002 онд Португал Улсын Ерөнхий сайдаар  ажилласан,
• 1992-2002 онд тус улсын Социалист намын Ерөнхий нарийн бичгийн дарга,
• 1999-2005 онд Социалист Интернационалын Ерөнхийлөгч,
• 2005 онд НҮБ-ийн Дүрвэгчдийн асуудал эрхэлсэн дээд комиссараар томилогдон 2015 оныг дуустал ажиллажээ.

“Guardian” сонинд бичсэнээр, Антонио Гутерреш парламентад байх хугацаандаа өрсөлдөгчдийнхөө аргументыг тодорхой бөгөөд логик баримттайгаар няцаадаг байсан тул улс төрийн чадварлаг илтгэгч гэдгээрээ алдартай байсан. Түүний ажиллаж байсан Португалийн "Социалист нам" нь сул дорой байдлыг харуулж, бүтцийн өөрчлөлт хийсний дараа тэрбээр Ерөнхий сайдын албан тушаалаасаа огцорч “улс төрд хүртэл хязгаар бий” хэмээн мэдэгдэж байжээ. Огцорсныхоо дараа "Үндэсний улс төрд хэзээ ч эргэж орохыг хүсэхгүй" гэдгээ мэдэж байсан бөгөөд эцэст нь дэлхийд өөрчлөлт хийхээр шийдэн НҮБ-д алба хаших болжээ.

Т.Мөнхжаргал