Уншигч та бүхэнд энэ долоо хоногт болж өнгөрсөн томоохон мэдээллүүдийг түүвэрлэн хүргэж байна. Энэ долоо хоногт шинэ Засгийн газрын бүтцэд өөрчлөлт орж, шинэ сайд нарыг томилов. Мөн шинэ зуун жилийн анхны хичээлийн жил эхэллээ.
Засгийн газрын шинэ сайд нар тодорлоо
МАН-ын Удирдах зөвлөл дөнгөж сая хуралдлаа. Ерөнхий сайд, намын дарга өөрийн танхимын сайд нарын нэрийг Удирдах зөвлөлд танилцууллаа.
Үүнд:
- Засгийн газрын Хэрэг эрхлэх газрын дарга Д.Амарбаясгалан
- Нийгмийн хамгаалал хөдөлмөрийн сайд Д.Сарангэрэл
- Зам тээврийн сайд С.Бямбацогт
- Эдийн засгийн хөгжлийн сайд Ч.Хүрэлбаатар
- Уул уурхай хүнд үйлдвэрийн сайд Ж.Ганбаатар
- Эрчим хүчний сайд Б.Чойжилсүрэн
- Цахим хөгжил, харилцаа холбооны сайд Н.Учрал
- Хүнс, хөдөө аж ахуйн сайд Х.Болорчулуун.
Мөн асуудал эрхэлсэн хоёр сайд шинээр нэмэгдэж буй бөгөөд
- Нийслэлийн асуудал эрхэлсэн сайд Ж.Сүхбаатар
- Спорт, хариуцсан сайд Б.Бат-Эрдэнэ нарын нэрс тодорлоо
Пауэрлифтингийн ДАШТ-ээс медаль хүртсэн анхны эмэгтэй монгол тамирчин Б.Батхишиг боллоо
Туркийн нийслэл Станбул хотод пауэрлифтингийн өсвөр үе, залуучуудын дэлхийн аварга шалгаруулах тэмцээн наймдугаар сарын 26-наас есдүгээр сарын 4-нд болж байна.
Тэмцээнд манай улсаас дасгалжуулагч Х.Энхболдын удирдлага дор есөн тамирчин өрсөлдөж буйгаас залуучуудын суултын эмэгтэйчүүдийн 63 кг-ын жинд Б.Батхишиг хүрэл медаль хүртлээ.
Б.Батхишиг нь суултын төрөлд 157 кг-ыг амжилттай өргөснөөр залуучуудын ангилалд ДАШТ-ээс медаль хүртсэн анхны эмэгтэй монгол тамирчин болж байна.
Байнгын хороодын шинэ дарга нар тодорлоо
УИХ-ын чуулганы нэгдсэн хуралдаанаар шинэ сайд нарыг үүрэгт ажилд нь томилж, сайд нар тангараг өргөлөө. Ингэснээр УИХ-ын Байнгын хороодын дарга нарыг шинээр томилох ёстой болсон. Харин МАН-ын удирдах зөвлөлөөс Байнгын хорооны даргаар дараах нэр бүхий хүмүүсийг томилох тухай хэлэлцжээ. Үүнд,
- Инновац, цахим бодлогын байнгын хорооны дарга Э.Батшугар
- Байгаль орчин, хүнс, хөдөө аж ахуйн байнгын хорооны дарга Б.Саранчимэг
- Аюулгүй байдал, гадаад бодлогын байнгын хорооны дарга Б.Энх-Амгалан
- Нийгмийн бодлогын байнгын хорооны дарга П.Анужин
- Эдийн засгийн байнгын хорооны дарга Ц.Цэрэнпунцаг
- Боловсрол, соёл, шинжлэх ухаан, спортын байнгын хорооны дарга Г.Мөнхцэцэг
- Ёс зүй, сахилга хариуцлагын байнгын хорооны дарга Б.Баттөмөр
- Хууль зүйн байнгын хорооны дарга Л.Мөнхбаатар
- Төсвийн байнгын хорооны дарга Г.Тэмүүлэн
- Үйлдвэржилтийн бодлогын байнгын хорооны дарга Т.Энхтүвшин нарыг нэрлэжээ.
БНСУ-ын Гадаад хэргийн сайд Пак Жиний айлчлал өндөрлөлөө
Бүгд Найрамдах Солонгос Улсын Гадаад хэргийн сайд Пак Жиний Монгол Улсад хийж буй албан ёсны айлчлал өнөөдөр өндөрлөж, тэрбээр нутаг буцлаа.
Түүнийг Гадаад харилцааны яамны Төрийн нарийн бичгийн дарга Н.Анхбаяр, БНСУ-аас Монгол Улсад суугаа Элчин сайд Ли Ё Хун тэргүүтэй албаны хүмүүс “Чингис хаан” олон улсын нисэх онгоцны буудалд үдэж мордуулав.
Хоёр өдөр үргэлжилсэн Солонгос улсын Гадаад хэргийн сайдын айлчлалын үеэр албан ёсны хэлэлцээ хийгдсэн. Үүнээс онцолбол визийг хөнгөвчлөх, хоёр орны хооронд үйлдэгдэж буй нислэгийг нэмэгдүүлэх асуудлыг ярилцсан юм.
Шинэ зууны анхны хичээлийн жил эхэллээ
Улсын хэмжээнд энэ хичээлийн жилд ерөнхий боловсролын сургуульд 746,653 сурагч суралцана. Түүнчлэн
- Нэгдүгээр ангид 77,753 сурагч
- Нэгдүгээр курст 29,054 оюутан элсэн суралцана.
Их, дээд сургуульд нийт 141,197 оюутан суралцах бол техникийн болон мэргэжлийн боловсрол, сургалтын байгууллагад 49,304 оюутан элсэн орох юм. Нийслэлийн хэмжээнд есдүгээр сарын 1-ний байдлаар 113,474 хүүхэд цэцэрлэгт хамрагдаад байгаа юм.
Энэ хичээлийн жил 415 сургуулийн 548 дотуур байр үйл ажиллагаа явуулна
2022-2023 оны хичээлийн жилд улсын хэмжээнд 415 сургуулийн 548 дотуур байр үйл ажиллагаа явуулна. Үүнээс 489 (89.2%) нь стандартын, 59 (10.8%) нь стандартын бус байна. Тухайлбал,
- Улаанбаатар хотод 15 сургууль
- Хөдөө орон нутагт 400 сургууль дотуур байртай үйл ажиллагаа явуулах аж.
Өнгөрсөн хичээлийн жилд дотуур байрны нийт хүчин чадал 47,030 байснаас 32,576 (69.3%) хүүхэд амьдарчээ.
"ЕБС-ийн тоог 2012 онтой харьцуулахад 12,3 хувиар нэмэгдсэн байна"
Улсын хэмжээнд 2021-2022 оны хичээлийн жилд 848 ерөнхий боловсролын сургуулийн 23.8 бүлэгт 712.3 мянган хүүхэд суралцсан байна. ЕБС-ийн тоог 2012 онтой харьцуулахад 93 буюу 12.3 хувиар нэмэгджээ. Үүнээс хувийн өмчийн сургууль 32 буюу 23.9 хувиар нэмэгдсэн бол төрийн өмчийн сургууль 61 буюу 9.8 хувиар тус тус нэмэгдсэн талаар Үндэсний статистикийн хорооноос мэдээлэв.
Мэдрэлийн ёзоор тайрах хагалгааг Туркын эмч нарын дэмжлэгтэйгээр нэвтрүүллээ
Мэдрэлийн ёзоор тайрах хагалгааг Туркын эмч нарын дэмжлэгтэйгээр нэвтрүүллээ. Энэ талаар Эрүүл мэндийн сайд С.Энхболд цахим хуудсандаа мэдээллээ.
Тэрбээр "ЭХЭМҮТ-д нийт 230 саа саажиллтай хүүхдүүдийг мэдрэлийн, мэдрэлийн мэс заслын, сэргээн засахын эмч нарын хамтарсан үзлэгт 8-р сард багтаан хамрууллаа.
9-р сарын 1-3 хооронд Турк улсын Лийв эмнэлгийн эмч мэргэжилтний багтай хамтран 38 хүүхдэд үзлэг оношилгоо хийж 7 хүүхдэд хагалгааны заалттай болохыг тогтоов.
Ингэснээр эхний ээлжинд нэн шаардлагатай хагалгаанд орох заалттай 5 хүүхдэд мэдрэлийн ёзоор тайрах хагалгааг 2 өдрийн турш Турк улсын эмч нарын багтай хамтран УГТЭ дээр Монголн эмч мэргэжилтэнгүүд хийж дууслаа.
Цаашид хагалгаанд орсон хүүхдүүдийн сэргээн засах эмчилгээг ЭХЭМҮТ-д үргэлжлүүлэн хийх бэлтгэлээ хангасан болн" гэжээ.
