АТГ-ын Хэвлэл мэдээлэл, олон нийттэй харилцах ажилтан, комиссар Н.Тэмүүлэн мэдээлэл өглөө.
АТГ, ЦЕГ-ын мөрдөгчдийн хамтарсан ажлын хэсэг нийтийн тээвэртэй холбогдох хэрэгт мөрдөн шалгах ажиллагаа явуулж,
- “Тэнүүн Огоо” ХХК гүйцэтгэх захирлаар 2007 оноос хойш ажиллаж байгаа гэх Ж.Эрдэнэбат,
- “Тэнүүн Огоо” ХХК захирлаар 2006 оноос хойш ажиллаж байгаа А.Ганхуяг,
- Нийслэлийн худалдан авах ажиллагааны газрын хэлтсийн дарга Б.Түмэнжаргал,
- Нийслэлийн худалдан авах ажиллагааны газрын Худалдан авах ажиллагааны хэлтсийн мэргэжилтэн Ш.Баярсүх нарыг саатуулаад байсан юм.
Энэ хугацаанд "Тэнүүн-Огоо" компанийн нийлүүлсэн гэх нийтийн тээвэртэй холбоотой асуудлаар тус 4 хүний 5 обьектод нэгжлэг хийх мөрдөн шалгах ажиллагааг явууллаа.
Дөрвөн этгээдийг 48 цагийн хугацаагаар баривчлах арга хэмжээг прокурорын зөвшөөрлийн дагуу авсан.
Мөрдөх байгууллагын зүгээс дээрх 4 этгээдийг цаашид үргэлжлүүлэн цагдан хорих, таслан сэргийлэх арга хэмжээ авах үндэслэлтэй байна гэж үзсэн учир холбогдох саналыг гаргасан байгаа. Прокурорын байгууллагаас саналыг үндэслэлтэй гэж үзвэл цаашид цагдан хорих, таслан сэргийлэх арга хэмжээ авах эсэхийг шүүхийн байгууллага шийднэ.
Энэ ажиллагаа одоогоор дуусаагүй, үргэлжилж байгаа. Мөн БНСУ-ын "Дэү" компанийн холбогдох хүмүүсийг шалгаж байна. Тус ЭСЯ-нд хуульд заасны дагуу мэдэгдэж мэдүүлэг авах зэрэг ажиллагааг явуулж байна. Мөн эл хэрэгтэй холбогдуулан санхүүгийн мөрдөн шалгах ажиллагаа болон мөрдөн шалгах ажиллагааны хүрээнд гадаад улсын хуулийн байгууллагуудтай хамтран ажиллах шаардлага үссэж буй. Тиймээс БНСУ-ын Ерөнхий прокурорын газар болон Вьетнам улсын Нийгмийг юулаас хамгаалах яамтай хамтран ажиллахаар төлөвлөөд байна" гэлээ.
М.Жаргал
Сэтгэгдэл (1)