60 тонн газ тээвэрлэж явсан том оврын автомашин зам тээврийн ослын улмаас, дэлбэрсэн. Үүнээс үүдэлтэй гал түймрийг унтрахаар очсон Онцгой байдлын 28-30 насны 3 албан хаагч амь насаа алдсан юм.

Энэ талаар Цахилгаан тээвэр компанийн ерөнхий захирал асан, инженер Д.Жаргалсайхан "Мэргэжлийн маш том алдаа гаргаж газаас үүдэлтэй галын аюултай бүс рүү гал сөнөөгчдийг оруулсан байна. Учир нь газаас үүдэлтэй галыг унтраах боломжгүй. Шатаж дуустал нь эргэн тойрны аюулгүй байдлыг ханган, аюулгүй бүсэд байж ажиллах ёстой. Монголчуудын хувьд газтай харьцах, аюулгүй ашиглах мэдлэг, туршлага дутмаг байсаар байна" хэмээн цахимд бичсэн байна.