Суралцагчийн нас, сэтгэхүйн онцлогт нийцүүлэн эхийг ойлгож унших, тайлбарлах чадварыг хөгжүүлэх зэрэг 12 зорилтыг батлав

2024-8-22

Боловсролын Яамнаас 2024-2025 оны хичээлийн жилд сургуулийн өмнөх болон ерөнхий боловсролын суралцагчийн эзэмших чадамжийг хөгжүүлэхэд бүх талын оролцоо, хамтын ажиллагааг хангаж хичээл, сургалтын үйл ажиллагааны чанар, үр дүнг сайжруулах зорилгыг дэвшүүлж байна.

Энэхүү зорилгыг хангах хүрээнд дараах 12 зорилтыг хэрэгжүүлэхээр баталлаа.

Тухайлбал

Суралцагчийн нас, сэтгэхүйн онцлогт нийцүүлэн зураг, дүрс, тэмдэгт мэдээллийн утга санааг ойлгох, бичвэр эхийг ойлгож унших, илэрхийлэх, тайлбарлах чадварыг өдөр тутам хичээл, сургалтын үйл ажиллагаанд үр дүнтэй, бүтээлчээр хэрэгжүүлэх
Багшийн ажлын байран дахь мэргэжлийн хамтын ажиллагааны үр дүнг сайжруулж хичээл, сургалтын үйл ажиллагааг мэргэжлийн багш нарын бүлэг, багаар хамтран суралцагчийн ялгаатай хэрэгцээнд нийцүүлэн чанартай бэлтгэн үр дүнтэй хэрэгжүүлэх
Ялгаатай хэрэгцээтэй хүүхдийг боловсролын үйлчилгээнд тэгш хамруулж, тэдний онцлог, хэрэгцээнд суурилан хөгжлийн дэмжлэгийг чанар, үр дүнтэй үзүүлэхэд талуудын оролцоо, хамтын ажиллагааг идэвхжүүлэх
Гамшиг (уур амьсгалын өөрчлөлт, салхи, шуурга, ган, зуд, үер, газар хөдлөлт гэх мэт), болзошгүй аюул, эрсдэлийн үед өөрийгөө болон бусдыг хамгаалах, туслах, бэлэн байдлаа хангах мэдлэг, чадвар, дадал хэвшилтэй болоход суралцагчдад дэмжлэг үзүүлэх арга хэмжээг мэргэжлийн байгууллагатай хамтран улирал бүр оролцоонд суурилан үр дүнтэй зохион байгуулж хэвших зэрэг 12 зорилт хэрэгжүүлэхээр байна.

зураг

Эх сурвалж: Боловсролын Яам

АНХААРУУЛГА: Та сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээ зөрчсөн сэтгэгдэлийг админ устгах эрхтэй.

Сэтгэгдэл (1)

иргэн (127.0.0.1)

Энэ тушаал хэрэгжвэл сайн байна.Бага ангийн багш сурагчтайгаа тулж ажилладаггүй уншиж чадахгүй хүүхдийг тоохгүй орхидог хавар шалгалт аваад улираадаг ялгаж харьцдаг уншиж чаддаг хүүхдээ уншуулаад уншиж чаддаггүй хүүхдийг ангийнхан хүүхдийн хажууд загнадаг асуудал байна.Багш нарын үнэлгээний шалгалт болохоор уншиж бичиж чаддаггүй хүүхдүүдийг өвчтэй болгодог.Үүнд хяналт тавиачээ БЕГазар.Датвлага өгдөггүй тулж ажиллахгүй хүүхдийг орхиж улам сэтгэлзүйн дарамтад оруулж байна.Сургуулийн хэлвэл хүүхэдэд халтай учир үүнд анхаарч өгч туслана уу. Одоо 3-р ангид англи хэл үзэхээр Монгол хэлээ сайн уншиж чадахгүй хүүхдүүд яах бол.Бага ангийн багш нар үнэхээр чадвар муу хүүхдээ сургая гэсэн чин сэтгэл байхгүй. цаг өнгөөрсөн байдаг болсон.Сайн хэдэн хүүхдээ дэмжээд бусад хүүхдүүдээ орхиод байна.Бага ангийн багш нарыг 1 бүрчлэн шалга.Хүүхдүүдийн яагаад уншиж бичиж чадахгүй байгаа шалтгааныг тогтоо энд багшийн үүрэг чухал багш үүргээ мэдэхгүй эрхээ илүү эдлээд байна.Хүүхдэд ээлтэй орчин бол сургууль.Сургууль тэр тусмаа багш шавиа ялгаж хандах хамгийн ёс зүйгүй үйлдэл.Үүнээс болж хүүхэд хичээлдээ явах дургүй болж байна.Үгээ тод хэлж чадахгүй хүүхэдийг тусад нь анги байгуулж сургавал илүү үр дүнтэй болов уу. Шавьдаа ээлтэй багш олон байгаасай.

2024 оны 08 сарын 22 | Хариулах