NTV телевизийн “Лхагвын тойм” нэвтрүүлгийн ээлжит дугаарт Монгол Улсын 28 дахь Ерөнхий сайд Ч.Сайханбилэг оролцсон. Тэрбээр 2019 онд Монгол Улсын хилээр гарснаас хойш эх орондоо эргэж ирээгүй бөгөөд нэвтрүүлгийн баг АНУ-ын Лос-Анжелес хотод түүнтэй уулзаж ярилцлага бэлтгэсэн нь өнгөрсөн лхагва гарагт цацагдав.
2014 оны 11 дүгээр сарын 21-нээс 2016 оны долоодугаар сарын 07-ны өдрийг хүртэл нийт 1 жил 229 хоног Ерөнхий сайдаар ажилласан тэрбээр ярилцлагадаа “Тодорхой эрхэлж байгаа ажил байхгүй. Миний хувьд зарж болох бүх л зүйлээ зарж байгаа. Монголд байгаа бүх л үл хөдлөх хөрөнгүүдийг маань хууль хяналтын байгууллагаас хөдөлгөөнд оруулахгүй байхаар битүүмжилсэн. Тиймээс унаа тэрэг, гэр доторх бүхий л зүйлсээ зарсан. Америк сургууль дахь өөрийн хувьцаагаа зарсан. Тэр мөнгөөрөө хэсэгтээ амьдарсан” гэжээ.
Тэгвэл түүний 2012-2014 оны хөрөнгө оруулгын мэдүүлгийг дурдъя. Тэр хэр хэмжээний хөрөнгөтэй байсан бэ?
-2012 он
- Орлого өөрийн: 21046.95
- Гэр бүлийн орлого: 140480.00
- Орон сууц: 1
- Хувь эзэмшдэг компани:
- И энд Ти ХХК-50
- АСУ ХХК-12.5
- Байгал бюти ХХК -100
- Машин: Lexus-570- 1, Land Rover V1- 1
-2014 он
- Орлого өөрийн: 21641.70
- Гэр бүлийнорлого: 140480.00
- Орон сууц: 1
- Хувь эзэмшдэг компани:
- И энд Ти ХХК-50
- АСУ ХХК-12.5
- Байгал бюти ХХК -100
- Машин: Lexus-570- 1, Land Rover,Land Rover V1- 1.
2016 оны хөрөнгө, орлогын мэдүүлэг нь Авлигатай тэмцэх газрын албан ёсны сайтад бүртгэлгүй байсан тул олон нийтэд нээлттэй мэдээлэл байхгүй байна.
Т.Зузу
Сэтгэгдэл (8)