Майами Хит багийн төвийн тоглогч Бам Адебайо Мягмар гаргийн орой Майамигийнхан Уизардс багийг 150-129-ийн харьцаатай хожсон тоглолтод 83 оноо авч, NBA-ийн түүхэнд хоёрдугаарт бичигдэх амжилтыг үзүүллээ.
Домогт тоглогч Коби Брайант өмнө нь 2006 оны 1-р сарын 22-нд Лейкерс багт 81 оноо авч, уг амжилтыг тогтоож байв. Уг тоглолтод түүний баг Торонто Рэпторс багийн эсрэг 122-104 харьцаатайгаар хожиж, түүхэн 81 оноог тэр ганцаараа түүсэн билээ. Брайант тухайн тоглолтын хоёрдугаар хагаст л гэхэл 55 оноо авсан юм. Тэгвэл домогт тоглогчийн уг амжилт эвдэгдлээ.
Эдгээр тоглогчдын дээр нэгдүгээрт орсон амжилтыг 1962 оны гуравдугаар сарын 02-нд "Херши Спорт Арена"-д болсон тоглолтод Филадельфия Уорриорс багийн 169-147 харьцаатайгаар Нью-Йорк Никс багийг хожсон тоглолтод Уилт Чемберлен NBA-ийн дээд амжилт болох 100 оноог авчээ. Тэрээр 48 минут тоглож, 63 шидэлтийн 36-г нь талбайгаас, 32 шидэлтийн 28-ыг нь чөлөөт шидэлтийн шугамаас амжилттай шидсэн байдаг. Энэхүү амжилтыг өнөөг хүртэл давтагдашгүй хэвээр байна.
Л.Баяр
Сэтгэгдэл (2)