Монголын рок попын загалмайлсан эцэг гэгддэг “Харанга” хамтлагийн дуучин Х.Лхагвасүрэн үзэгч, сонсогчиддоо наадмаар бэлэг барьж, тоглолтоо хийсэн билээ. Түүний тоглолт ч сайхан болж сонсогч фенүүд нь ихэд өндөр сэтгэгдэлтэй үлдсэн.  Харин ард түмнийг нэг л зүйл бухимдуулж байв.  Энэ нь Лхагвасүрэнг одоо болтол гавьяат болгоогүй явдал.  Гэтэл Х.Лхагвасүрэнтэй зүйрлэхээргүй “муу” уран бүтээлчид гавьяат гэх эрхэм цол тэмдэгээр энгэрээ мялаалгасан байдаг. Үүнд хүмүүс бухимдаж байна. Бухимдсан хүмүүс ойрын үед Лхагвасүрэнд гавьяат өгөөч гэж шаардах нь бүр ч ихэсчээ. Өмнө нь хүмүүс П.Адарсүрэн агсанд гавьяат өгөхийг шаарддаг байсан ч хэрэгжээгүй. Тэгвэл одоо Х.Лхагвасүрэнд ард түмний хүсэлтээр гавьяат өгөх болов уу, яах бол?.  Ямартаа ч  түүнийг ард түмний хүсэлтээр гавьяат авах цөөхөн дуучдын нэг гэдэгт хүн бүр санал нийлэх биз ээ.