Чингэлтэй дүүргийн ИТХ-ын төлөөлөгчид даргынхаа үйл ажиллагааг эсэргүүцэн хэвлэлд хандлаа. Учир нь тус дүүргийн ИТХ-ын дарга Д.Бат-Эрдэнэ нь хууль зөрчин зөвхөн ажлын өрөөгөө гэхэд 70 гаруй сая төгрөгөөр тохижуулж, 59 сая төгрөгийн үнэтэй машин хөлөглөх болжээ. Төвсийн мөнгөөр ингэж тансаглах болсон нь олон хүмүүсийн хардлагыг төрүүлж эхэлжээ. Д.Бат-Эрдэнэ нь өмнө хуурамч дипломны эзнээр тодорч, түүнээсээ болж Нийслэлийн Авто Замын Газрын даргын суудлаасаа мултарч байсан гэдэг. МАН-ын гишүүн Д.Бат-Эрдэнэ хаа очсон газраа асуудалд ороод байх бололтой. Тодруулбал Д.Бат-Эрдэнэ нь 49 сая төгрөгөөр ажлын гурван өрөөндөө засвар хийж, 22.4 сая төгрөгөөр тавилга авч тавьсан байна. Ингэж тэрээр төсвийн мөнгийг ач холбогдолгүй зүйлд үрэхдээ хууль зөрчсөн аж. Д.Бат-Эрдэнэ нь “Дүмбэрэл хайрхан” гэх компаниар ажлын өрөөгөө засуулсныхаа дараа тендер зарлаж, дахин нөгөө “Дүмбэрэл хайрхан” компаниа ялуулжээ.
Үүнийг Чингэлтэй дүүргийн ИТХ-ын төлөөлөгчид “Бараа бүтээгдэхүүн худалдан авах, ашиг сонирхлын зөрчил байхаас гадна эрх мэдлээ хэтрүүлэн ашиглаж хууль зөрчиж байна” хэмээн үзэж байгаа юм байна.
Цаашлаад Б.Бат-Эрдэнэ нь “Гоулд рич” компаниар өрөөгөө тохижуулсаныхаа дараа мөн л тус компанийг тендерт ялуулжээ. Уг нь номоороо тендер зарлаж, ажил гүйцэтгэгчээ сонгочихоод дараа нь засварын ажлыг хийх байлтай. Гэтэл энд бүх зүйл эсрэгээрээ хэрэгждэг бололтой юм. Тус үйлдэл нь “Дүмбэрэл хайрхан”, “Гоулд Рич” компанийг Д.Бат-Эрдэнэ даргын мэдлийнх юм боловуу гэсэн хардлагыг төрүүлсэн байна. Учир нь Д.Бат-Эрдэнэ нь өмнө нь Зам засвар, арчлалт, улсын үйлдвэрийн газрын дарга байхдаа мөн л эдгээр компаниудаар ажил гүйцэтгүүлж байжээ. Тэгэхээр хоорондоо ямар нэгэн байдлаар холбоотой гэх хардлага төрөх нь аргагүй юм.
Ирэх сарын 2-нд Чингэлтэй дүүргийн ИТХ-ын ээлжит бус чуулган хуралдах аж. Гэтэл төсвийн тодотгол хэлэлцэхийн өмнө ийм асуудал хийж, оруулж ирж байгаа нь урьд нь хийсэн ажлынхаа мөнгөний зөрүүг баллахаар санаархаж байгаагаас гадна 80 сая төгрөгөөр дээш үнийн дүнтэй бол олон нийтийн хэвлэл мэдээллийн хэрэгслээр ил тод зарлуулан явуулах ёстой гэсэн хуулийн заалтыг зөрчин үнийн дүнг бага хэмээн сонгон шалгаруулалтын аргыг хэрэглэсэн нь тус дүүргийн ИТХ-ын төлөөлөгчдийн бухимдлыг ихээхэн хүргээд байгаа аж.
Тиймээс ганц хурган дарга төсвийн мөнгийг үрж, тансаглаж суухыг цаашид хараад сууж байж чадахгүй хэмээн Д.Бат-Эрдэнийг Нийслэлийн прокурорын газар, АТГ-т хандан хууль зөрчсөн эсэхийг шалгуулахаар албан бичгийг явуулжээ.
Мөн Д.Бат-Эрдэнэ нь урьд өмнөх ИТХ-ын даргын албандаа унаж байсан машиныг голж, шинээр 59 сая төгрөгийн цоо шинэ машин авч унасан байна. Тэрээр доод албан тушаалтнууддаа “Би хууль зөрчөөгүй. Чи шалгуулдаг газраараа явж шалгуул. Би хаана ч тансаглана. Хуучин авто замын газар байхдаа ч ингэж байсан. Зам засвар арчлалт улсын үйлдвэрийн газар байхдаа ч бас иймэрхүү байсан. Үүнийгээ хэнээр ч заалгуулахгүй” гэж томордог байна.
Үүнийг Чингэлтэй дүүргийн ИТХ-ын төлөөлөгчид “Бараа бүтээгдэхүүн худалдан авах, ашиг сонирхлын зөрчил байхаас гадна эрх мэдлээ хэтрүүлэн ашиглаж хууль зөрчиж байна” хэмээн үзэж байгаа юм байна.
Ирэх сарын 2-нд Чингэлтэй дүүргийн ИТХ-ын ээлжит бус чуулган хуралдах аж. Гэтэл төсвийн тодотгол хэлэлцэхийн өмнө ийм асуудал хийж, оруулж ирж байгаа нь урьд нь хийсэн ажлынхаа мөнгөний зөрүүг баллахаар санаархаж байгаагаас гадна 80 сая төгрөгөөр дээш үнийн дүнтэй бол олон нийтийн хэвлэл мэдээллийн хэрэгслээр ил тод зарлуулан явуулах ёстой гэсэн хуулийн заалтыг зөрчин үнийн дүнг бага хэмээн сонгон шалгаруулалтын аргыг хэрэглэсэн нь тус дүүргийн ИТХ-ын төлөөлөгчдийн бухимдлыг ихээхэн хүргээд байгаа аж.
Мөн Д.Бат-Эрдэнэ нь урьд өмнөх ИТХ-ын даргын албандаа унаж байсан машиныг голж, шинээр 59 сая төгрөгийн цоо шинэ машин авч унасан байна. Тэрээр доод албан тушаалтнууддаа “Би хууль зөрчөөгүй. Чи шалгуулдаг газраараа явж шалгуул. Би хаана ч тансаглана. Хуучин авто замын газар байхдаа ч ингэж байсан. Зам засвар арчлалт улсын үйлдвэрийн газар байхдаа ч бас иймэрхүү байсан. Үүнийгээ хэнээр ч заалгуулахгүй” гэж томордог байна.
Т.Энхэлээ
Сэтгэгдэл (15)