Аварга Г.Эрхэмбаярын наадамд Ц.Содномдорж түрүүллээ

2013-8-03

Сэлэнгэ аймгийн анхны аварга Г.Эрхэмбаярт хүндэтгэл үзүүлэх "Сэлэнгэ түмний талархлын баяр наадам" Сүхбаатар суманд өчигдөр болж өндөрлөлөө. Түүнд хүндэтгэл үзүүлэх наадмын үеэр Үндэсний 128 бөхийн барилдаан болж, их нас, соёолон, дааганы уралдаан, халх сурын харваа тус тус явагдсан юм.
Хүчит 128 бөхийн барилдаанд Хөвсгөл аймгийн харьяат, улсын харцага Ц.Содномдорж түрүүлж, Өвөрхангай аймгийн харьяат, улсын начин Б.Сугаржаргал үзүүрлэсэн юм. Наадмын үеэр Сэлэнгэ аймгийн нутгийн зөвлөлөөс Г.Эрхэмбаяр аваргад 00 21 дугаартай “Бенз G500″ маркийн автомашин, гурван өрөө байр, сүрэг хонь бэлэглэж гардуулсан юм. Мөн Г.Эрхэмбаяр аваргад өгч буй сүрэг хонийг Сэлэнгэ аймгийн 17 сумаас тус бүр 25 хонь авч бүрдүүлсэн аж.

Тус наадамд Сэлэнгэ аймгийн харьяа УИХ-ын гишүүн Д.Эрдэнэбат, Ж.Эрдэнэбат, С.Баярцогт болон тус аймгаас төрөн гарсан алдартнууд оролцсон юм. Энэ сарын 9-нд буюу ирэх баасан гаригт түүний төрөлх Мандал сумын нутагт аварга цолны найр болох аж.

Т.Энхэлээ

АНХААРУУЛГА: Та сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээ зөрчсөн сэтгэгдэлийг админ устгах эрхтэй.

Сэтгэгдэл (4)

Зочин (112.72.12.238)

2013.07.22 Ардын хувьсгалын 92 жилийн ойн баяр наадмын хүчит бөхийн барилдаанд ес даван түрүүлсэн улсын отгон аварга Г.Эрхэмбаяр олон жил хөлс хүчээ урсган барилдаж аварга цолонд энэ жил хүрсэн. Бөх хүн хэрхэн яаж биеэ авч явах, бэлтгэл сургуулиалтаа тогтмол тууштай хийж байхын үлгэр дууриал болсон Г.Эрхэмбаяр аваргын даруу төлөв зан олны хайрыг татдаг. Сэлэнгэ нутгаас төрсөн анхны аварга тэрбээр наймдугаар сарын 2-нд Сэлэнгэ аймгийн төвд, харин 9-нд төрөлх Мандал сумандаа аварга цолны хүндэтгэлийн найр хийхээр болжээ. Г.Эрхэмбаяр аваргын амжилтыг үнэлж, “Мондэ” компанийн захирал Т.Түмэндэлгэр залуу аваргад Зайсанд байрлалтай гурван өрөө байрны түлхүүр гардуулсан бөгөөд үүнийг нь хэвлэлүүд “Ноёд” группийн ерөнхийлөгч Г.Буяндорж ийг өгсөн мэтээр хэсэг бичсэн. Залуу аварга олон жил “Ноёд” группийн нэрийн өмнөөс барилдаж байсан агаад өнгөрсөн жилээс “Мондэ” компаниар овоглох болсон билээ.

2013 оны 08 сарын 04 | Хариулах
1 (112.72.12.218)

Г.Эрхэмбаяр аваргын амжилтыг үнэлж, “Мондэ” компанийн захирал Т.Түмэндэлгэр залуу аваргад Зайсанд байрлалтай гурван өрөө байрны түлхүүр гардуулсан бөгөөд үүнийг нь хэвлэлүүд “Ноёд” группийн ерөнхийлөгч Г.Буяндорж ийг өгсөн мэтээр хэсэг бичсэн. Залуу аварга олон жил “Ноёд” группийн нэрийн өмнөөс барилдаж байсан агаад өнгөрсөн жилээс “Мондэ” компаниар овоглох болсон билээ.

2013 оны 08 сарын 04 | Хариулах
aa (119.40.98.6)

shan naadam boljee bayr hurgey eee oshoo iluu sain barildaarai amjilt

2013 оны 08 сарын 03 | Хариулах
Зочин (180.149.97.1)

selenge aimgiin anhnii abarga erhembayart hvndetgel vzvvleh naadamd manai duuchin ariunaa egch maani naadamchin olniig chimj ih saihan haragdaj bsan shvv.tand bolon tanai ger bvl.vr hvvhed hanid chini az jargal sain saihniig hvseye.

2013 оны 08 сарын 03 | Хариулах