“Сайхан”, “Аархал”, “Энх улирал” гэх мэт олон сайхан дуугаараа олонд танигдсан МУСТА дуучин Э.Төрмандахын шинэ уран бүтээлийг уншигчдадаа танилцуулж байна. “Тайжийн хурд” хэмээх тус уран бүтээл нь Э.Төрмандахын “Аархал” дууны дараа гарч буй томоохон хэмжээний бүтээл юм. Уг дууны үгийг яруу найрагч Ганбаатар бичиж, аяыг нь  Ганболд зохиосон бөгөөд Дорноговь аймгийн Дэлгэрэх сумын 90 жилийн ойд зориулж "Морин спорт уяачдын холбоо"-оос хамтран гаргасан гэдгээрээ онцлогтой юм.

Сонирхуулахад Дорноговь аймгийн Дэлгэрэх сум нь Монголын 13 угшлын адууны хоёр том төлөөлөгч болох Галсанбанди, Дэндэв тайжийн гэсэн хоёр угшлын адуутай. Галсанбанди, Дэндэв угшлын адуунууд нь бүдүүн насандаа гайхалтай хурдалдаг хэмээн нутгийнхан ярьдаг билээ.  Харин "Тайжийн хурд"-ыг Э.Төрмандах хэрхэн дуулж амилуулсаныг доорх бичлэгээс үзнэ үү.