ETV телевизийн урилгаар Солонгосын алдарт Т-Аra, Davichi, Speed, Seeya зэрэг К-pop одод Монголд ирж тоглохоор болсон. Тэгвэл зохион байгуулагчид телевизийнхээ байранд энэ тоглолтын талаар дэлгэрэнгүй мэдээлэл хийлээ.

Тоглолт энэ сарын 21-нд 17.00 цагаас Төв цэнгэлдэх хүрээлэнд болох бөгөөд “IHC” ХХК болон “UP MUSIC”  продакшнтай хамтран зохион байгуулж байгаа юм.
Олон нийтийн зүгээс энэ хамтлаг ирэх ирэхгүй гэдэг дээр санал зөрөлдөөд байгаа. Тэгвэл тус тоглолтын ерөнхий зохион байгуулагч ETV телевизийн зүгээс “Бид телевизийнхээ нэрийг дэнчин тавьж ямар нэгэн байгалийн давагдашгүй хүчин зүйл тулгарахгүй нөхцөлд Т-ара хамтлаг Монголд ирэх нь үнэн гэдгийг хариуцлагатайгаар мэдэгдэе” гэсэн юм.

Солонгос улсаас тоглолтонд оролцох багын бүрэлдэхүүнд 44 хүн ирнэ. Үүнээс 20 хүн нь хамтлаг дуучид байгаа юм. Тэд "Сүнжин гранд" зочид буудалд байрлана. Түүнчлэн аялан тоглолтын хүрээнд "Т-ара", "Спийд" хамтлагууд манай говьд клипний зураг авалт хийнэ.
Тоглолтын тасалбарыг БНСУ-д хэвлүүлсэн бөгөөд дэлхийн жишигт нийцсэн нууцлалтай. Тодруулбал тасалбарыг тусгай гэрлээр харахад гурван хэсэгт ETV гэсэн бичиг харагдах гэнэ. Тасалбар, энгийн тусгай, vip гэсэн гурван ангилалтай. Үүнд:
-Энгийн тасалбар 35000 төгрөгний үнэтэй бөгөөд ногоон талбайд зогсоогоор үзнэ. Тус ангилалын тасалбараар 10-аас доош насны хүүхдүүдийг оруулахгүйгээс гадна 13-аас доош насны хүүхдүүдийг харгалзах хүнгүйгээр тоглолтонд нэвтрүүлэхгүй гэдгийг зохион байгуулагчид хэлж байлаа.
-Тусгай ангилалын тасалбар 60.000 төгрөгний үнэтэй. Сууж үзнэ.
-VIP ангилал 350.000 төгрөгний үнэтэй бөгөөд Төв асарт сууж үзэх, цай кофе хоол ундаагаар үйлчлүүлэхээс гадна тоглолтын дараа “Т ара” хамтлагтай хийх VIP уулзалтад оролцох боломжтой юм. Мөн энэ ангилалын тасалбар 200 ширхэг байгаа аж. Тасалбарын борлуулалт одоогийн байдлаар 40 хувьтай байгаа бөгөөд 60 мянган төгрөгийн үнэтэй тасалбарууд дууссан байна.
Тоглолтын үеэр аюулгүй байдлыг хангахаар 1000 цагдаа ажиллахаар болсон байна. Тайзны засалт болон гэрэлтүүлгийн хувьд Монголдоо хамгийн сайн гэгддэг “UP music production” бусад продакшнуудтай хамтран гүйцэтгэж байгаа аж.   болохыг зохион байгуулагчид мэдэгдэж байлаа.
Түүнчлэн Т-ара хамтлагийн тоглолт болох гэж буйтай холбогдуулан энэ сарын 07-н буюу нөгөөдөр Битлзийн хөшөөний урд талбайд “Т-ара ба 4+1” өдөрлөг зохион байгуулагдана. Өдөрлөг 11.00-18.00 цагын хооронд болох бөгөөд найз нөхдөөрөө ирсэн хүүхдүүд дөрвөн тасалбар авбал нэг тасалбар үнэгүй өгөх юм байна. Мөн энэ үеэр цаг бүрийн 35 минутанд нэг азтан толруулж 350.000 төгрөгний үнэтэй тасалбар бэлэглэнэ.
Сонирхуулахад Т-ара хамтлаг анх 2009 онд таван хүний бүрэлдэхүүнтэй байгуулагдаж байсан. Хамтлагийн нэр титэм гэсэн утгатай. Тэдний дийлэнхи нь бага өсвөр насандаа урлагийн салбарт хөл тавьж тасралтгүй уйгагүй хичээллэсний үр дүнд өнөөдрийн амжилтанд хүрчээ. Тус хамтлагийн анхны хит дуу нь "Bo peep, bo peep" юм. Энэ дуугаараа тэд "Music  Bank"-аас анхны шагналаа авч байжээ. Түүнчлэн тэднийг гадаад ертөнцөд таниулсан дуу бол алдарт "Roly poly" гэнэ. Тэд 24 дэхь удаагийг "Алтан диск" наадмын шинэ шилдэг хамтлагаар шалгарч байсан юм.