Туркийн Анталия хотноо болж буй  Байт харвааны насанд хүрэгчдийн дэлхийн аварга шалгаруулах тэмцээн  дөрөв дэх өдрөө үргэлжилжилж байна. Тэмцээний эхний өдрүүдэд эмэгтэй, эрэгтэй хувийн урьдчилсан харваа болж өнгөрсөн бол өнөөдрөөс хасагдах шат эхэлж байгаа юм.

Урьдчилсан харвааны нийлбэр дүнгээр манай  эрэгтэй баг тамирчид 3880 оноогоор 37 улсаас 17-р байр эзэлсэн бөгөөд тэд 16-р байранд орсон бол багийн харваанд орох байсан юм. Харин эмэгтэй багийн хувьд нийлбэр дүнгээр 3847 оноогоор 32 улсаас 22-р байрт орсон байна.

Манай улсаас  үндэсний шигшээ багийн дасгалжуулагч Ж.Нарантуяа, Ю.Ганзориг нарын удирдлаган дор эмэгтэй, эрэгтэй бүтэн баг оролцож байгаа бөгөөд олимпийн зайд ч өрсөлдөж байгаа. Түүнчлэн эмэгтэйчүүдийн төрөлд ОУХМ Б.Урантунгалаг (“Хангарьд” клуб), ОУХМ А.Энхтуяа (“Хангарьд” клуб), ОУХМ Н.Ариунбилэг, эрэгтэйчүүдээс ОУХМ Ж.Гантөгс, ОУХМ Г.Ган-Эрдэнэ, ОУХМ Б.Долгорсүрэн нар оролцож байгаа юм.